كيكه التفاح بالكراميل


هالكيكه خفيفه واسفنجيه وحلوه مع كوب شاي او يمها ايسكريم وجوز … صراحه انا مجربتها بطريقتين وحده من موقع  والثانيه من موقع لقمه.. الفرق بين الوصفتين بس ان بموقع لقمه بدلت نص قفشه صغيره دارسين بقفشه كبيرة  و زادت نص قفشه كبيره بيكنغ بودر وزودت الزيت بمقدار 3 قفاش كبار تقريبا
الوصفه تلقونها على هاللينك
وانتو تخلطونها بتلاحظون ان الخليط ثقيل مو نفس قوام خليط الكيك العادي بس بالفرن بينفش وبيصير اوكي … التوفي تاكدو ان انطبخ عدل عشان لا يبين طعم  تحبب الشكر بالكراميل لما يبرد… الشغله الاخيرة ان الشكر تقدرون تعدلونه انا استخدمت تفاح  الاخضر غراني سميث فكوب كان اوكي فاذا بتستخدمون تفاح حلاوته اكثر ( مثل التفاح الاحمر ) فقللو الشكر لي ثلاث ارباع او نص كوب

بذكر لكم المقادير العادية للوصفه بس الفرق اني سويتها بشكر تروبيكانا ومن غير جوز لان ابوي فديت قلبه ما يحبها مع التفاح

بسم الله نبتدي 


المقادير:
كوب ونص طحين فاخر
كوب سكر ( وطبعا تقدرون تخلطون بين الاسمر والابيض )
نص قفشه صغيره دارسين (واذا تحبون نكهتها اكثر زيدو المقدار وتقدرون تضيفون جوزه الطيب معاها  )
نص قفشه صغيره ملح
نص قفشه صغيره بيكربونات الصوديوم
نص كوب زيت نباتي ( استخدمت كانولا )
بيضتين صغار
قفشه صغيره فانيلا سائله
كوب ونص تفاح مقطع .. يعني تقريبا تفاحتين
نص كوب جوز او بيكان مفروم ( حسب الرغبه )

مقادير الكراميل  : ( ترا يا دوبه يغطيه اذا تحبونه وايد دبلو المقدار )
قفشه كبيره كريما سائله
3 قفاش كبار زبده
نص كوب سكر اسمر لايت 
نص قفشه صغيره فانيلا

الطريقة:
نبطل الفرن على حراره  160-170 ونمسح قالب الكيك 8 انش بالزيت او نرشه بالسيبراي
نخلط المقادير الجافه ( الطحين والشكر والدارسين والملح والبيكربونات ) وننخلها ونتركها على جنب
بالخلاط الكهربائي نخفق البيض لين ينتفش ويصير مثل الفوم وبعدين نضيف له الفانيلا والزيت ونخلطهم عدل ونضيف المقادير الجافه بالتدريج لين تنخلط عدل 
بالقفشه نضيف التفاح والجوز  ونخلطه عدل ونحطه بصينيه الفرن وندخله تقريبا 40 دقيقه او نص ساعه لين يستوي يعني لما ندخل عود خشب يطلع ناشف
نخلط كل مقادير الكراميل على النار وننطرها لين تثقل ( 5 دقايق تقريبا ) وبعدين نصبها فوق الكيك ونغطي الطبقه العلويه منه 
واكلوها مع كوب شاي او قهوه او ضيفو لها جوز مع ايسكريم فانيلا وبالعافيه


Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s