تيركي هاش turkey hash


 ريوق الجمعه مع ابوي الغالي  من الاشياء المقدسه عندي  وانطره طول الاسبوع لان ما تصير فرصه اني اقعد معاه على وجبه الريوق الا بهاليوم ومستحيل اطوفها



واحب بهاليوم بالذات اتفنتق بالريوق  واسوي شي يديد وانا وياه نحبه بس احاول قدر الامكان اني اقلل الدسم فيه  … ريوقنا كان  تيركي هاش و اومليت  محشي خضار وكوسا و بان كيك من المبدعه منال 



( حبيبتي الغاليه منال شكرا جزيلا :*** ) شوفو باجي وصفات الاومليت وافكار يديده للبان كيك على هاللينك




الحين نيي حق وصفه التيركي هاش صراحه حبيتها اول ما اكلتها بجوني روكتس مع اختلاف المسميات… البطاط سلقته عشان اخفف الدسم بس لازم اعترف ان البطاط المقلي الذ …والتيركي الي استخدمته نفسه اللي يكون سلايس بس انا اخذت قطعه وحده  بالوزن  وقطعتها مكعبات و الباجي تقدرون تحشون فيه فطاير او بالسلطات  وتقدرون تستخدمون بداله البيكون او معاه لزياده النكهه…وطبعا الخضار تقدرون تشيلون وتضيفون حسب الرغبه
حاولو ان كل المكونات تقصصونها مكعبات بنفس الحجم بتكون عند التقديم احلى :>
وجمعه مباركه ان شاء الله


المقادير:
بطاطه مقطعه مكعبات ومسلوقه نص سلق او مقليه حسب الرغبه
حبه فلفل اخضر مكعبات
حبه صغيره بصل ابيض مكعبات
قفشه صغيره بقدونس مفروم
نص كوب تيركي مدخن مقطع مكعبات
جبن تشيدر اصفر شارب او ميديم  او قليل الدسم كيفكم  تقريبا بمقدار خمطه ههههه
زبده صغيره او بخاخ زيرو كالوري
ملح وفلفل اسود حسب الرغبه


الطريقة:
نحمس البصل لين يذبل لونه ونضيف له التيركي والفلفل الاخضر والبطاط ونخليه فتره عشان يتقرمش وياخذ لون وبعدين نقلبه ونعيد الحركه  وقبل التقديم نسكر النار ونضيف البقدونس والجبن ونخلطه خلطه اخيره  عشان يذوب ونحطه بحن التقديم ونشرب معاه قهوه وعليكم بالف عافيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s