ina garten recipes (barefoot contessa ) · من هنا وهناك · معجنات وفطاير · المقبلات والاطباق الجانبيه · انواع الخبز والصمون · اطباق جانبية

خبز الذره بالجبن



هالوصفه نزلتها بناء على طلب  العزيزة  reem … الوصفه الاصليه لاينا غارتن ( بيرفوت كونتيسا ) انا بس زدت طحين الذره لاني حسيتها شويه وخبزتها بقوالب المفن عشان شكلها يكون احلى بالتقديم 


وقدمتها مع لحم مع خضار بالفرن وكثرت الصلصه  عشان يغمسون فيها الخبز :>
وصفه اللحم بهاللينك




نرجع للوصفه… المفروض يكون معاها هالبينو بس انا بدلته بفلفل اخضر عادي والمره اليايه افكر اضيف مكعبات بيكن  واينا عندها نفس الوصفه بس خالطه جبن وشبنت وهم اتوقع حلوة… الكميه تعطيكم 8 حبات مفن او قالب وسط مستطيل خبز … الوصفه الاصليه تلقونها بهاللينك

بسم الله نبتدي…


المقادير:
كوب وربع طحين ابيض
كوب طحين ذره ( كورن ميل ) اصفر
قفشتين كبار شكر
قفشه كبيره بيكنغ بودر
قفشه صغيره ملح
كوب حليب
رشه خل عشان تطير زفر البيض
حبتين بيض الحجم العادي
ربع كوب زبده مذوبة = اصبع زبده ( تحتاجون اصبع وحبتين صغار عشان يكون بالضبط )
كوب جبن تشيدر اصفر شارب  مبشور + كميه اضافيه للويه
3 قفاش كبار بصل اخضر مفروم
قفشتين كبار فلفل اخضر مكعبات صغيره


الطريقه:
نخلط نوعين الطحين والملح والبيكنغ بودر والشكر ونخليهم على جنب
نخفق البيض شوي ونضيف له الحليب والخل والزبده المذوبة ونصبهم فوق الخليط الناشف ونحركهم لين يتمازجون  من غير ما نبالغ بالخلط 
اخر شي نضيف الجبن والبصل الاخضر والفلفل الاخضر ونخلطهم نتركهم 20 دقيقه 
وبعدين نبطل الفرن على 160 درجه اذا بنسويهم بالمفن او 170-180 اذا بنسويهم بقالب مستطيل
نرش القوالب بالسيبراي ونصب الخليط فيهم 



ونرش الويه بالجبن  ولان قصر عندي الجين الاصفر فخلطته مع جبن كرافت مبشور 

 



ونخبزهم تقريبا 20-30 دقيقه ونتركهم يبردون قبل التقديم  وبالعافيه 

Advertisements

10 thoughts on “خبز الذره بالجبن

  1. ماشاء الله عليج ، شكل اكلج لذيييذ،،، بما اني ما اعرف اطبخ ،، ممكن ازوركم على الغدا 🙂

  2. غير معرف 1***********الله يسلمج :>الاثنين حياج الله غير معرف*********i'll post it tomorrow Inshallah :>thankschocolate**********مشكوره حبيبتي عيونج الحلوة :>وحياج الله باي وقت قوليلي متى تحبين وما يصير خاطرج الا طيب :>

  3. مشكوره يالغاليه وتسلم ايدج شكلها لذيذه انا سويتها اليوم الله لايوريج طلعت يابسه ومانتفخت كلش مع اني تعبت فيها وايد ومادري وين الغلط بظبط

  4. reem*****حسافه :(يمكن البيكنغ بودر صلاحيته منتهيه … او ان المكونات وايد بارده عشان جذي ما انتفشتجربيها مره ثانيه بنص المقدار و خلي المكونات تكون بحراره الغرفه وغيري نوع البيكنغ بودر

  5. اليوم أول يوم أجرب وصفاتج، تبارك الله مضبوطة المقادير و وقت الخبز، الطعم عجيب و ترفة مع أني كنت متخوفة لا تطلع يابسة
    كليناها مع سلطة التونة من بلوقج الرائع و لذة الطعم لا توصف بس نسيت أحط الأفوكادو و أنبطت جبدي بعد ما تذكرت
    باجر أن شاالله دور ستيك أينا، الله يعطيج العافية و أن شالله بجرب كل وصفاتج متى ما قدرت

    1. يعلها مداخيل العافيه ومشكوووووووووره وايد تعليقج طيرني فوق السما 🙂
      ان شاء الله كل الوصفات تكون على ذوقج وبالنسبه لستيك إينا إذا ما حصلتي روزماري فرش تقدرين تحطين أي نوع أعشاب 🙂
      تسلم الأيادي وحياج الله دووووم :*

  6. تبلت الستيك من أمس، أن شالله يا ربي ما ييبس بالشوي، رشيت عليه بيكاربونات صودا
    عندي روز ماري و زعتر مجفف، ما أستخدمهم وايد، و قلت أستخدمهم قبل لا يحزرون حسافة
    الله لا يحرمنا من بلوقج و وصفاتج الحلوة يا رب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s