مشروم او الفطر او عش الغراب · اطباق رئيسية

صينيه لحم مشوي بالفرن مع الخضار



هالوصفه من كثر ما سهله كنت مستحيه انزلها لان ما يبيلها شي … طبعا الخضار شيلو وزيدو حسب الرغبه واذا ما حصلتو صلصه بريغو استخدمو اي صلصه طماط معلبه… انا مسويه الصلصه وايد  تقدرون تتحكمون بكميتها عن طريق الماي وصلصه الطماط  :>




المقادير :
ستيك لحم كبيره ( اخذت  قطعه اسمها توب سايد روست  )
بطاط مكعبات كبيره ( يعني كل بطاطه اقطعها ارباع )
كميه جزر قطع كبيره
كميه بصل ارباع
حبتين شلغم ارباع
راسين ثوم مغسولين حطيتهم على عدالهم
عود ساليري مقطعه صغار
بقدونس مربوط مع بعض
اعشاب مجففه حسب الرغبه ( اوريغانو و زعتر ناشف )
علبه صلصه طماط ( استخدمت الصلصه الطماط والريحان من بريغو )
زيت زيتون
ورقتين غار
مكعبين ماجي لحم او خضار حسب الرغبه ( كان عندي خلاصه المشروم واستخدمتها معاهم )
فلفل اسود مجروش خشن


الطريقة:
نتبل اللحم بالفلفل والاعشاب واذا تبون تحطون اي نوع بهارات وبعدين نقلبه شوي بالمقلاه الساخنه مع زيت الزيتون وما نطول اقل من 10 دقايق ونشيله
بباجي الزيت بالمقلاه نحط الجزر والبصل والبطاط عشان ياخذون  من نكهه الزيت والبهارات 
نحط صينيه الفرن ونصف الخضار والثوم والبقدونس واذا تحبون ترشون شويه اعشاب هم كيفكم ونحط فوقها اللحم والصلصه ونذوب الماجي بالماي ونصبه فوقهم وندخله الفرن ساعتين  او اكثر حسب حجم اللحم على حراره عاليه في اول نص ساعه وبعدين نخليها ومتوسطه الى خفيفه
وعند التقديم نشيل  ورق الغار والبقدونس ونقدم الباجي بالف عافيه

Advertisements

4 thoughts on “صينيه لحم مشوي بالفرن مع الخضار

  1. روووعه مشالله شكلها يشهي بليز اذا انتي بالكويت اكتبي من وين الباهرات واللاشياء اللي موب متعودين عليها بالمطبخ ويعطيج الف عافيه تسلم ايدنج

  2. maha*****حلا حبيبتيبالنسبه للبهارات انااخذهم من مركز سلطان ومطحنه سمراء عدن ومجدي يعني انوعوانامنزله موضعين عن البهارات اللي استخدمها تلقينهم موجودين بالبلوق على هاللينكاتhttp://aklati.blogspot.com/2009/03/blog-post_19.htmlhttp://aklati.blogspot.com/2009/08/2.htmlوان شاء الله انول موضوع مفصل عن الصلصات :>حياج الله عزيزتي :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s