بنك باستا pink pasta 2

 



هالوصفه اختي الصغيره  فديتها مسويتها اخذناها من بلوق الغااااليه  DoDoq8 وصج لذييذه .. طبعا من لذتها ما قاومتها واكلت كميه لا باس فيها وخليتها تسويها مره ثانيه عقب يومين وانا كنت منزله وصفه ثانيه سريعه لنفس البينك باستا على هاللينك

الاختلافات بالوصفه اختي بس خلطت صلصه من ماركه راغو العاديه  مع بريغو 3 اجبان ( السر كله بهالصلصه لازم تستخدمونها احلى )  وزادت اعشاب ايطاليه ماركه ماجيك وحطت موتزريلا فرش تيي بالحبه وايد وايد احلى ..شوفوها شلون تمغط



انصحكم اذا كنتو من محبين هالنوعيه من الباستا انكم تسونها لانها بتطلع احلى من اللي بشوكليت بار .. تلقونها على هاللينك

دودو حبيبتي تسلم ايدج ومشكووووره على هالوصفه الحلوة :>




المقادير:
 معكرونه مسلوقه بس مو النضج الكامل
بصله مفرومه ناعم
ثوم مهروس
مكعب ماجي
طماطه مقشره ومهروسه
شويه معجون طماط عشان اللون
نص علبه الى علبه كامله صلصه طماط ( اي نوع ومثل ما قلت اختي خلطت بريغو 3 اجبان مع راغو )
2 م ك اوريغانو
1 م ص بهارات ماجيك الايطاليه
ربع كوب جبن كرافت مبشور
كريما
جبن موتزريلا حسب الرغبه

الطريقه:
نحمس البصل مع الثوم ونضيف له شوي فلفل الاسود والماجي لما تطلع ريحته وبعدين نضيف الطماطه المهروسه والمعجون والصلصه والبهارات 

اذا سخنت نضيف الكريما والجبن التشيدر والموتزريلا  واول ما يذوب الجبن نحط الباستا ونقلبها شوي عشان تشرب من الصلصه وبعدين نحطها بطبق التقديم ونزينها بباجي الجبن واذا تحبون حطوه بالمايكرويف عشان يذوب  وقدموها على طول وبالف عافيه

One thought on “بنك باستا pink pasta 2

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s