معجنات وفطاير · انواع الخبز والصمون

برتزل pretzels bite

 

تذكرون لما نزلت لكم طريقه البرتزلز قبل وقلت لكم شكثر اهي لذيذه… شفت قبل جم يوم بوست عند انسام برتزلز بايت سايز والفكره طقت ببالي اني اسوي برتلز صغار واحشيهم جبن والنتيجه طلعت الذ  وصج صج رووعه 

اكره شي لما اطبخ شي احبه وانا مسويه رجيم بس الاعتراف بالحق فضيله اكلت لي حبه منها وطلعت يم يم يم


جربوها وان شاء الله بتدعون لي



الحشوه المالحه خليتها جبن  ( جزء حشيته بجبن موتزريلا وعلى الويه اوريغانو وجزء حشيته بجبن تشيدر وعلى الويه بابريكا و جزء خليته زبده وثوم ورشيته بسمسم ) تقدرون تستبدلون الحشوات بمثل هوت دوغ او حمسه خضار او برغر او اي شي ثاني  وقدمتها مع صلصه البيتزا تقدرون تحطون معاها اي صلصه ثانيه



والخلطه الحلوه سويتها دارسين وشكر وزينتها بشيز فروستنغ تقدرون تقدمونها ساده وتقدرون تحشونها انواع مربيات وتقدمونها مع شكر بودر على الويه او تحشونها نوتيلا وتزينونها بككاو ومسكرات يعني مجال التنويع وايد




الوصفه الاصليه تلقونها بهاللينك

الطريقة :
بعد ما تسوون العجينه وتخلونها تخمر تقطعونها حق 4 قطع
وكل قطعه تفرونها لين تصير طواليه مثل الحبل
قطعو كل قطعه حسب الرغبه طلعت لي 6 حبات يعني التوتل 24
 
اخليها ترتاح شوي على ما ازهب الحشوه وعلى ما اذوب قفشتين كبار بيكربونات على كوب ماي دافي واحط البيكنغ شيت على صينيه الفرن
 
اخذ كل قطعه صغيره وافردها بيدي واحط الحشوه بوسطها واطبقها على شكل مربع واغمسها بخلطه الماي واحطها بصينيه الفرن واكرر العمليه
انطر شوي وبعدين امسحها بالزبده الذايبه ( تقدرون تنكهون الزبده بثوم او اعشاب كيفكم ) انا صراحه كان عندي علبه زبده مثومه اللي تيي مع بيتزا بابا جونز استخدمتها على الويه ههههه
وترشون على الويه النكهه اللي تحبونها وتدخلونها الفرن 200 -220 اقل من عشر دقايق وتكون مستويه
 
بالنسبه للحشوه الحلوه
اكور كل قطعه بيدي واغطسها بالماي واخليها شوي بعدين اغطسها بالزبده الذايبه وبعدين احطها  بصحن فيه دارسين ناعم وشكر ناعم  واتاكد انها مغلفه من كل الاتجاهات وادخله االفرن لفتره اقل

بعد ما اطلعها من الفرن انطرها تبرد شوي وبعدين اصب الفروستنغ بالبايبنغ على الويه وبالف عافيه

Advertisements

11 thoughts on “برتزل pretzels bite

  1. السلام عليكمالبرتزلز شكلهم اينن ماشاللهبس لما سويتهم امس طلعت العجينة عردة وتتمقط جنها علج افف انبطت جبدي كل مرة اسوي معجنات ماتضبط معاي 😦

  2. ما شاء الله عليش فنانة في الطبخوعلى قولة القايل / الفن لأهل الفنإن شاء الله راح تكونهالصفحة مرجعيإذا بغيت ادلع أم علي < نفس القافية ههههبس عندي ملاحظة .. . قسم الحلى وينه ؟ < الطبق الرئيسي بنسة لييعطيش ربي العافية

  3. candy cotton*************جربيها وان شاء الله تكون على ذوقج :>انا صرت دايم اسويها :>chatterbox ***********حسافه مادري شقولج يمكن العجينه تحتاج طحين زياده … اذا شفتيها جذي ردي رشي طحين وعجينيها بيدج شوي لما تلموبعدين خليتها تتخمروهم بعد ما تتخمر اذا حسيتي انها تلزق ردي رشي طحين عليهاانا اعترف اهي شوي تاذي لما تغطسينها بالماي بس بعدين تاخذ شكلها عدلعموما ان شاء الله المره اليايه اصور الخطوات بالتفصيل وان شاء الله تنجح معاجوانا بعد فرني كهربا وتاخذ بالفرن اقل من 10 دقايق :>وسامحيني على التاخير بالردناصر*****حياك الله اخوي بو علي :>مشكور على الكلام الحلو هذا من ذوقك وان شاء الله ام علي بعد يعجبنها اللينك والوصفات اللي فيهللاسف الحلو مو مركز قوتي بالطبخ بس للحين اتعلم فيه وان شاء الله الوصفات اللي فيه تلاقي اعجابك :>

  4. انشالله بحاول مرة ثانية وثالثة لما تضبط معاي وماتصدقين اشكثر انصدمت لما عرفت ان فرنج كهربا نفسي لان انا كلما تخترب عندي اكلة احط العذر بالفرن الكهربا بالله الحين شرقع حق عمري؟؟ ههههعالعموم تسلم ايدج والله يحفظج انشالله

  5. ما شاء الله تبارك الرحمنترى انا واااايد تعجبني طبخاتجوتقريبا نصها جربتهوكل ماسويت شي وعجب اهلي وربعيعطيتهم اسم المدونه:)بس البرتزل موصجعجيييييييبجربت اللي قبلوبجرب هذا باذن اللهتسلم ايدياتجوالله يحرمها عن النار

  6. chatterbox**********سوري حبيبتي ترا فهمتج غلطانتي تقصدين ان المشكله واجهتج مع الفرن؟؟اذا كانت من برا عرده ومن داخل من مستويه يمكن الفن عندج حار وايدعمرما حبيبتي اذا انتي بالكويت وتحبين تشرفيني بالبيت واسويها قبالج خطوه بخطوه ونكتشف مع بعض شنو الغلط :>دزي لي بس على الايميل عشان ادزلج العنوان :>ومشكوووره على الدعوة الحلوةالليوان*******ما تصدقين شكثر استانست ان الوصفات اللي بالبلوق عجبتج :***يعلها مداخيل العافيه والبرتزلز ينن اكثر شي حبيته للحين بمعجناتي مشكوووره مشكوووره على الحجي اللي كتبتي عندي يو ميك ماي دي :**

    1. الله يعافيج حبيبتي
      وااايد سعيده بزيارتج عندي :>

      ان شاء الله تجربينها وتكون على ذوقج عاد انتي ما شاء الله الذوق كله بالمطبخ :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s