السندويشات · اطباق رئيسية · اطباق رئيسية -اسماك وماكولات بحريه

راب السمج اللذيذ

مادري شكنت اسميه راب السمج ولا شاورما لان الصلصه فيها طحينه…  اسم رح يمشي عليها ومو معقوله شلون سريعه وطعمها حلو
فكرت فيها وطبقتها على السفره بفطوري ومن كثر ما حبيتها بشاركم فيها
الخبز عباره عن طحين وحليب بودر وماي بس … على كل كوب طحين عليه قفشه تقريبا حليب بودر وماي حسب الطحين نفسه.. انا قاعده اقولكم المقادير بالتقريب لاني مو انا الي مسويته بس اذا جربته مره ثانيه رح انزل وصفته بالضبط .. تقدرون تستخدمون بدالها شباتي او خبز التورتيا او خبز اسمر خفيف او حتى خبز تنور المهم يكون نوعه خفيف
السمج اللي استخدمته مقلي … تقدرون تشوون السمج بس ما انصح تشوون الجنعد لانه بطبيعته جافه فاستخدموا اي نوع ثاني

المقادير :
سمج جنعد فيليه مبهر بملح وبهارات سمج
خبز 
لهانه مقطعه شرايح طويله
بصل ابيض شرايح
اوراق كزبره
ليمون
صلصه طحينه ( هرده وثوم وكمون وماي وعصير ليمون وفلفل اسود وملح )
طحين
زيت قلي

الطريقه :
نلت السمج بالطحين ونقليه وبعدين نقطعه حسب الحجم المرغوب ونرشه بشوي عصير ليمون او لومي اخضر ونحطه بوسط الخبز
نخلط الطحينه مع البصل واللهانه والكزبره ( لا تكثرون من الصلصه عشان تحسوون بنكهه الخضار ) ونحطهم فوق السمج

نلفهم على شكل راب ونستمتع بطعم قرمشه السمج مع الخضار وبالف عافيه

Advertisements

2 thoughts on “راب السمج اللذيذ

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s