فطور او ريوق · فطور رمضان و ريوق و سفرات كاملة · معجنات وفطاير · انواع الخبز والصمون · خطوة بخطوة

خبز بيت خفيف



هالخبز من اسهل انواع وسريع جدا…عيبه انه لازم ينوكل بنفس اليوم لان بينشف لي ثاني يوم
طبعا تقدرون تسوونه بطحين اسمر مثل ما احبه .. تقدرون تخلطون معاه شوي كمون وحبه البركه… تقدرون تخلطون معاه بصل اخضر .. يعني مجالات التنويع فيه متعدده
وطبعا تقدرون تستخدمونه كصاج او تلفون فيه الشاورما واستخدماته مثل اي استخدامات للخبز الخفيف او التورتيا 
تقدرون وهي على النار ترشون عليها دهن وشكر  وهيل وتلفونها مثل الدرابيل بايام الشتويه او تحطون فيها جين قلاصات او زعتر او حتى مهياوه


المقادير اللي بذكرها عطتني 10 خبزات… زيدو وقللو من مقدار الطحين حسب الرغبه


بسم الله نبتدي



المقادير:
3 اكواب طحين 
3 قفاش كبار متروسه حليب بودر
قفشه كبيره زيت
شوي ملح
وتقريبا كوب ماي
رشه بيكنغ بودر ( اختياريه )


الطريقه:
نخلط 2 ك طحين مع الحليب والملح والبيكنغ بودر ونضيف لهم الماي ونعجنهم بالايد او المكينه وبعدين نضيف باجي الطحين بالتدريج لين تتشكل العجينه وكل ما انعجنت اكثر كل ما تماسكت اكثر



نخليها ترتاح شوي عشان ياخد الطحين حاصله  ونكورها حق 10 كور 



نفردهم بالنشابه  لسمك ضعيف ( بس ما نخففها وايد عشان لا تصير نفس البسكوته )



ونحطهم اما بالصاجه او مقله تيفال او بجهاز البيتزا
ما تاخذ وقت طويل وهي على النار وبعد ما تستوي عليكم بالف عافيه اما تاكلونها على طول او تحطونها بوعاء حافظ للحراره



وبالف عافيه

Advertisements

3 thoughts on “خبز بيت خفيف

  1. يسلمو الأيادياللي سوتها وصورتهاأنا وايد أحب أسوي الشاورما بالبيتوالطريقة اللي كنت أسوي فيها الخبز كانت دايما تطلع اشوي سميكة عالأطرافراح أتبع طريقتج لأن حتى شكله يشهي

  2. نون النساء ***********الله يسلمج حبيبتي ان شاء الله تجربينها وتكون على ذوقجانا نسيت احط بالمقادير رشه بيكنغ بودر بس هالاضافه مو ضروريه بس تنفش لج الخبزه شويتسلم ايدج مقدما وحياج الله :>كركور******النشويات يحتاجها الجسم حالها حال البروتين والفيتامينات بس كثرتها اللي تييب السمنه فالاعتدال مطلوب :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s