سريعه ولذيذه
جربوها
بسم الله نبتدي …
المقادير:
ستيك تقريبا كيلو مقطع شرايح
علبه مشروم ( خلطو نوعين احلى )
حبه بصل مفروم
حبه صغيره فلفل اخضر مكعبات صغار
علبه كريما طبخ
قفشتن كبار حليب بودر مذوبين بشوي ماي ساخن
قفشه كبيره معجون طماط
1-2مكعب ماجي مذوب بشوي ماي
جم رشه من وسشترشاير صوص
ملح
فلفل اسود
بابريكا
اوريغانو او اي اعشاب مجففه
طحين
زبده
الطريقه:
نرش قطع الستيك بالملح والفلفل الاسود والطحين ونحمره بالزبده شوي ونشيله
بنفس المقله نحمس البصل والفلفل الاخضر والمشروم ونضيف له المعجون والفلفل الاسود والبابريكا والصلصه والماجي والماي والحليب ونضيف له اللحم ونتركه شوي واخر شي نضيف الاعشاب مع الكريما واول ما يغلي نخفف النار ونتركه شوي من غير ما نبالغ بالطبخ عشان اللحم لا يصير عرد ونقدمه مع بطاط مهروس وبالف عافيه
My Kitchen 
يم يم بحاول اتخيل هالطبق وانا اكل روبتي;Pتسلم ايدج
تسلم ايدج:)مكانج مبين بالبي بي 😉
sn3a******اي يقولون الروب نفس الطعم هههههاتغشمر معاج حبيبتي يعله مداخيل العافيه على قلبج :***fishah*******فشووووش عزيزتي الغاليه..عاد توني راده الخدمه وقايله بحطلج كومنتاذا البن مالي عندج بليز ردي ضيفيني :****
شلون تسوين طريقة البطاط المهروس؟يالييت تحطين طريقتك شكله حلو