حلويات

تريبل تشوكليت براونيز الامود



مادري ليش ما اقتنع بالوصفات اللي قبال عيني وادور وصفات معقده او مكوناتها مادري شلون قايله … اكثر حلو نسويه بالبيت الكوكيز وعلى قد ما كنت اجرب وصفات براونيز مادري ليش كنت مستهينه بالوصفه اللي تيي مع جيس التشوكليت شيب..  وبيوم من الايام قررت اطبقها ولما سويتها طلعت سهله وسريعه وحلوة واهم شي عجبت خواتي الصغار :>


باجرعيد ميلاد اختي الصغيره حبيبه قلب اختها وقلت انزل هالوصفه لانها تحبها


الوصفه الاصليه تلقونها باللينك.. بتلاحظون اسمها دبل تشوكليت بس لاني حطيت صلصه الككاو فوق تغير اسمها


http://www.verybestbaking.com/recipes/28489/Easy-Double-Chocolate-Chip-Brownies/detail.aspx


طبعا تقدرون تكتفون بالبراونيز من غير الاضافات .. وتقدرون تغيرون بنوع المكسرات ونوع الككاو وتخلطون البراونيز باضافات ثانيه على كيفكم :>



بسم الله نبتدي …

المقادير :
جيس تشوكليت شيب = 2 كوب ( تقدرون تستخدمون الصغار واتوقع بيكون احلى بعد )
اصبع زبده + حبه صغيره = 110 غ
3 حبات بيض بحرارة الغرفه
كوب وربع طحين 
كوب شكر
م ص فانيلا

ربع م ص بيكربونات الصوديوم
نص كوب مكسرات وانا استخدمت بندق وتقدرون تبدلونها باي نوع ثاني
ايسكريم فانيلا 
مقادير الصلصه:
4حبات ارو او جالكسي
 علبه قيمر

الطريقه:
نشغل الفرن على حراره 180 وندهن قالب الفرن او نحط عليه بيكنغ شيت عشان لا يلزق
نذوب الزبده مع كوب ككاو على النار بجدر قاعدته ثقيله عشان لا يحترق ونخليه يبرد شوي
ونضيف له البيض والفانيلا والطحين والشكر والبيكربونات واخر شي باجي الككاو والمكسرات ونصب الخليط بقالب الفرن ونخليه بالفرن لمده ثلث ساعه تقريبا ( اختبروه بعود خشب ) وخلوه يبرد وبعدين قطعوه
بحزه التقديم خلطو مقادير الصلصه على النار
سخنو الصحن او حطو البراوني بالمايكروف وصبو الصلصه وهي حاره فوقه وبعدين الايسكريم وبالف عافيه
Advertisements

5 thoughts on “تريبل تشوكليت براونيز الامود

  1. ابن السور**********وانا اشكرك اخوي لهالكلامات الجميله :>حياك الله دوم غير معرف********فعلا حلوةجربيها سهله ولذيذه :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s