معجنات وفطاير · انواع الخبز والصمون

خبز البرغر من توب شيف



الصمون المصنوع بالبيت وااااايد لذيذ والذ من اللي ينتسوا بره بالف مره … انا نزلت كذا وصفه للصمون من قبل وهالوصفه اخذتها من بلوق اخوي توب شيف 
اضافه البطاط بالعجينه استخدمتها من قبل وكانت على هيئه بطاط مجفف والنتيجه كانت واااو .. هالمره استخدمت البطاط المسلوق نفسه
الوصفه الرئيسية تلقونها هني
http://topchefcooks.com/2011/02/12/burger-bun

النتيجه وايد حلوة والخبزة ترفه .. جربوها وان شاء الله تكون على ذوقكم
بسم الله نبتدي …


المقادير ل حبات صمون :
كوبين ونص طحين ( احتمال تحتاجون اكثر او اقل حسب حراره الجو ) وانا خلطت نوعين اسمر وابيض
قفشتين وربع خميره فورية
بطاطه مسلوقه ومهروسه ( نص كوب ) + ربع كوب من ماي سلق البطاط
اصبع زبده بحراره الغرفه

 قفشتين كبار شكر
قفشتين كبار عسل او بدلوهم بالشكر 
نص قفشه صغيره ملح

 بيضه + بيضه للويه مخلوطه مع حليب وانا حطيت شوي فلفل اسود
نص كوب حليب دافي
سمسم وحبه بركه

الطريقة:

نخلط البطاط المهروس مع الزبده والبيض والشكر والعسل وبعدين نضيف الحليب وماي سلق البطاط واخر شي نحط الخميره والطحين والملح ونخلط (حطو الطحين بالتدريج واول ما تمسك روحها وقفو )
ونخليها تعجن 5 دقايق لين تمسك روحها وتبطل تلزق
حطوها بطاسه مدهونه وخلوها تخمر وبعد ما تخمر رشوها بشويه طحين عشان لا تلزق و قسموها الى 6 كور  وخلوها بصينيه فرن فيها ورق خبز مدهون وخلوها تخمر مره ثانيه نص ساعه 
نسخن الفرن بحراره 180-190  ( الشعله السفليه )

نمسح الصمون بخليط البيض ونرشه بالسمسم وندخله الفرن ربع ساعه وبعدين بردوه واكلوه وبالف عافيه

ملاحظه :

  • حاولوا لما تحطون الصمون تخلون بينهم مسافه انا يوم سويته لزقو ببعض لان المسافه ما كانت كبيره
  • بالوصفه الاصليه لمن ادخل الصينيه الفرن المفروض ارش شويه ماي بارضيه الفرن واخليه يستوي مع البخار اللي بيخليها تنفش زياده بس لان فرني كهربا ما قدرت اسوي هالخطوه
Advertisements

6 thoughts on “خبز البرغر من توب شيف

  1. مرحبا مبين انه لذييييذ جدا طيب بسألك إذا حبيتي تجاوبي أو براحتككيف عملتي التقسيمات يعني انتي مقسمة المدونة إلى أطباق رئيسية أطباق نفاس أطباق هنديةممكن تعلميني الطريقة؟؟؟

  2. اهلين حوراء :>التقسيمات طرقتها سهله روحي على التصميم وبعدها اضافه اداه وبعدين ضيفي label وقسميهم على كيفجوان شاء الله تجربينه ويحوز على اعجابج :>

  3. يعطيج العافية مبين خوش صمون بس عندي جم سؤال
    انتي قسمتي العجينة لي 6 كور تقريبا شنو حجم الصمونة؟ نفس حجم صمونة المطاحن؟
    فيها شكر وعسل ما تطلع حالية وايد؟
    واذا سويتها قبلها بيوم تظل ترفة لي ثاني؟

    1. هالصمون فيه حلاوه يعني تمري بس مع البرغر يمشي الحال ويطلع لج اصغر من ملوت المطاحن بشوي … ما جربتها لي ثاني يوم بس اتوقع ينفع بس سخنيه
      شوفي الخطوات اوضح هني
      http://topchefcooks.com/burger-bun

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s