كب كيك تمر مع توفي



اي شي فيه تمر عيني تتجه لا اداريا صوبه .. هالوصفه من شفتها بمدونه مطبخي الصغير على طول زهبت العده وسويتها وطلعت حلوة واهلي حبوها الحمدالله:>


الوصفه الاصليه بهاللينك وتعطيكم دزن كب كيك من الحجم المتوسط 



الكيكه حلوة وهشه وطعم التمر مو طاغي فيها للي ما يحب التمر بزود … اما اللي يدور طعم التمر يكون ظاهر انصحه بكافيه زهره بمجمع زهره وكيكه تمر امي الله يرحمها اللي بالبلوق  :>

 المقادير :


3 حبات بيض
م ص فانيلا
3/4 كوب شكر اسمر
3/4 كوب زيت نباتي
 كوب ونص طحين فاخر
م ص بيكنغ بودر
م ص بيكربونات الصوديوم
م ك دارسين ناعم
م ص هيل ناعم
رشه ملح
كوب تمر منقوع بكوب ماي دافي
نص كوب جوز + كميه اضافيه للزينه
التوفي:
50 غ زبده  يعني نص اصبع
نص كوب شكر اسمر
علبه قيمر

الطريقة :
نسخن الفرن على 170-180  ونلبس صينيه الكب كيك بالبليسيه
ننخل الطحين والبيكنغ بودر والبيكربونات والدارسين والهيل والملح
نخلط الشكر والبيض والفانيلا لين يتغير لونه ويصير ابيض وبعدين نضيف خليط الطحين معاهم
بالبلندر نهرس التمر مع الجوز ونحطه فوق خليط الكيك  ونقلبه عدل
نحط مقدار قفشه ايس كريم بكل فتحه وندخلها الفرن نص ساعه لين تنتفخ وتستوي ( نختبرها بعود اسنان )
على ما تستوي  نذوب الزبده مع الشكر بجدر ستيل قاعدته ثقيله لين يتكرمل وبعدين نوخره على النار ونضيف القيمر… القيمر رح يفور عادي نكمل خلط وبعدي بيصفي ونرده شوي على نار خفيفه لين يثقل ويتمازج عدل

نبرد الكب كيك وتالي نحط عليه صلصه التوفي ونزينه بجوز وبالف عافيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s