سلطه ربيان ليلى


شكلها ومكوناتها وسهولتها شجعتني اني اسويها… مغذيه ومشبعه وبالنسبه لي كانت طبق رئيسي … لكن الدريسنغ شوي حسيت يبيله تغيير فضفت ثاوزند ايلند ونتفه باربريكا وشكر


يوم سويته ما كان موجود الا ربيان كبار فقطعته مثل اللي تشوفونه بالصوره ولو عندكم ربيان مثلج صغار او بوبكورن شريمب استخدموه
بالوصفه الرئيسيه ليلى استخدمت خس وجرجير وانا ضفت عليها خلطه ورقيه ودزه زياده للفايده وللنكهه
الوصفه تلقونها هني
جربوها واتمنى تعجبكم  :>

المقادير كلها حسب الرغبه :
ربيان مقلي حسب الرغبه …( بالوصفه الاصليه كيلو ربيان مفروم  ومتبل بملح وفلفل اسود وزنجبيل وثوم بودره و3 قفاش كبار بصل اخضر ومثلهم طحين ويشكل وبعدين يغمس بالبقسماط ويقلي )
خس مقطع كبار
اوراق نعناع
شده جرجير بس الاوراق
اوراق بقدونس واتوقع اوراق بربير بتكون حلوة بعد وياهم
بصل اخضر مقطع صغار او بقل
علبه ذره كبيره
زيتون شرايح ( اخذو الحار اللي يكون معاه جزر )
خيار مقطع مكعبات 

الدريسنغ :

ربع كوب ثاوزند ايلند
رشه شكر
رشه بابريكا
3 قفاش كبار روب
عصير نص ليمونه
قفشه كبيره خل بلساميك ( انا حطيت اقل بس مو ذاكره بالضبط شكثر )
قفشه كبيره مايونيز بالفلفل 
ملح 
وقفشه زيت زيتون 



الطريقه:

نخلط مكونات السلطه ونتاكد ان ما نخلط الربيان الا وهو بارد و الدريسنغ نخلط مكوناته ونقدمه واللي يبي يحط بالكميه اللي يحبها وبالف عافيه

Advertisements

6 Comments اضافة لك

  1. ليلى عبدالله كتب:

    ماشالله عليك اختي ابدعتي وفعلا السلطه من اختيار ذوق العائله واضافتك للدرسينق شي حلو وحسب المزاجبس سؤالي هل تمازج مع نكهه الربيان ؟ سلمتي

  2. bent el deera كتب:

    حبيبتي مشكوووووووره وهذا من ذوقج :>اي ما شاء الله وكان حلو وكل من بالبيت حبه :>تسلم ايدج حبيبتي وباذن الله مرح يكون اخر طبق اطبقه من مدونتج :>

  3. Fishah كتب:

    الله ذكرتيني بسوالف رمضان :)تسلم اييييدج حبيبتي

  4. bent el deera كتب:

    الله يسلمج يا حلوهفشوش عفيه عفيه ردي ضيفيني ولهت عليج يا بنيه :>

  5. Fishah كتب:

    حبيبتي والله انا ولهت عليييييييييييج اكثربس تطورت هذا ثاني شهر لي مع الايفون ههههههه ما بقى لعبه ما حطيتها العب بالدوام اضيع الوقت :>وماقدر ارد البي بي الحين لان الايفون هديه عيدميلادي ههههههه فا لازم شويه اهب فيه :>توقعتج تركتي البي بي طولتي :<

  6. bent el deera كتب:

    فشوووش بعد عمري سوري على التاخيرالبي بي للحيني فيه .. اذا تحبين دزيلي رقمج بالاميل واضيقج بالوتس اب مكانج شكبره يا حلوةوعليج بالف الف عايه الاي فون كل من يقولي يونس :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s