خبز عروق خضار


الحلو بهالوصفه ان مالها مقادير واللي تحبونه حطوه… 





انا منزله اكثر من وصفه بالبلوق حق  خبز العروق العادي اللي مع لحم



هالوصفه تقدرون تاكلونها عادي او تسوونها نفسي ساندويشه مع حلقات طماط مشوي  او مقلي وجرجير و صلصه الروب مع نعناع او ريحان مع ملح وفلفل اسود وثوم وشويه جبن ابيض  >>>> تيننننننن هذي بالنسبه لي الالتميت فيجي برغر



المقادير والطريقه كلها حسب الرغبه :

خضار ورقيه مقصصه صغار ( بقدونس ، بصل اخضر ، شويه نعناع ، سلق ، بقل ، كزبره ، شبنت … الخ) ونحط عليهم بطاط مبشور وجزر مبشور وبصل مفروم صغار وطماط مبشور وكوسا مبشوره وشويه فلفل اخضر ونخلطهم عدل وبعدين نضيف الطحين وقفشه روب وشويه ماي وبهار ولومي ناعم وكمون وكاري كركم 
وخلوها على كتر لين تتجانس المكونات… قبل لا تقلونها ضيفو لها بيضه ( وتقدرون تلغونها) واقلوها بزيت ساخن لين تتحمر وعليكم بالف عافيه

 

11 thoughts on “خبز عروق خضار

  1. يقول شوشو:

    الروب شكثر نحط يعني طاسه تقريبا؟انا ماقط جربتها بالروب بس شوقتيني

  2. يقول Anonymous:

    يعطيج العافيه صارلي فتره احوس بمدونتج و وووووووووواااااااااايد اطباق جربتها منج ,, ما شا الله مقاديرج مضبوطه ^_*تسلم ايدج~

  3. يقول ميمة السبيت:

    ** هللوووو انا عندي سؤال عندي ستيكات ماخذتهم من بوشرمان تتبيلته وايد حلوه بس خدامتي تسويي وايد يابس يكسر لضروووس فمالعمل يا سيدتي الجميلة و شكرا

  4. يقول bent el deera:

    sn3aحبتج العافيه حبيبه قلبي… انا اكله برمضان وغيره بجرب اسوي نسخه قليله الدسم يمكن اضعف ههههه :>حياج الله حبيبتي
    شوشو لا مو طاسه تقريبا قفشه الى قفشتين حسب كميه الخضار اللي عندج…الروب يخليها من داخل طريه
    غير معرف شكرا جزيلا جزيلا وايد استانست من تعليقج :**

    ميمه السبيت هلا فيج بالغاليه وغالبا خدامتج هرته بالطبخ عشان جذي يعرد … قللي وقت الطبخ وبعد ما تشيلينها من الجوله الشوايه غطيها بقصدير وخليها شوي ترتاح وبعدين اكليها الاحتمال الثاني ان الستيكه تكون مافيها شحم عشان جذي تصير عرده جربي رشيها بطري ملح او تبيلها بسفن اب جم ساعه وبعدين تبليها باللي تبينه وقللي الوقت وان شاء الله تطلع اوكي :>اتمنى اني افدتج

  5. يقول Anonymous:

    يعطيج العافيه صج حسستيني ان رمضان قرب :)بس ماقلتي شكثر انحط الروب ؟؟

  6. يقول bent el deera:

    حبيبتي مشكورهوالروب حسب الكميه من قفشه لي فقشتين كبار عشان تخلي الخضار لينه من داخل ومقرمشه من بره

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s