وصفات صحيه قليله السعرات او الدهون وتصلح للرجيم · اطباق رئيسية · اطباق رئيسية -اسماك وماكولات بحريه · خطوة بخطوة

سمك مشوي بالخضار وتتبيله الزعفران

لاني احب السمج  فاغلب االوصفات اللي تلفت نظري وتشجعني اجربها يكون السمج فيها مكون رئيسي .. منها هالوصفه اذكر من شفتها ببرنامج طبخ برمضان قبل جم سنه وصورت المقادير بتلفوني عشان اطبقها بنفس اليوم

طعم الزعفران والسمج مو يديد لاني مجربته من قبل بوصفه فيليه السمج بصلصه الزعفران بطريقه عبير الراشد وتلقونها بالموقع 

الوصفه جدا سهله جروبها وان شاء الله تعجبكم.

بسم الله نبتدي

المقادير :

حبه سبيطي مقطعه ومشيول منها الراس ومنظفه عدل

قفشتين كبار زيت زيتون

ربع كوب عصير ليمون

نص قفشه كبيره ثوم مدقوق

كوب اوراق بقدونس

م  ص كمون

م ص كركم

نص م ص زعفران

م ص بابريكا

نص م ص فلفل اسود

حبه فلفل حار

وهالاضافات مني : نص م ص فلفل احمر حار +نص م ص زنجبيل+ نص م ص بهار سمج

حبه طماط مفرومه وانا بدلتها بطماطه خضره مو مستويه لانها احلى بالسمج من وجهة نظري

م ص ملح

4 حبات ورق غار

خضار مقطعه حسب الرغبه للصينيه : فلفل اخضر وليمون وطماط وجزر وبصل وطماط

الطريقة:

نخلط البهارات والزعفران مع البقدونس والملح وعصير الليمون والزيت الزيتون ونخليها فتره تركد وتمتزج النكهات

نصف الخضار بالفرن ونوزع عليها و ورق الغار وبعض شرايح الليمون

نخلط الطماط والفلفل مع خليط البهارات ونتبل فيه السمج والباجي نصبه فوق الخضار

نحط السمج فوق الخضار ونزينها بباجي شرايج الطماط والليمون وندخلها فرن حار لحد ما تستوي من غير ما نغطيها وبالف عافيه 🙂


بعد ما استوت 🙂

Advertisements

2 thoughts on “سمك مشوي بالخضار وتتبيله الزعفران

  1. ماشاء الله عليك وعلى نفسك .. حتى اكل الدايت معك يفتح النفس
    جربت هالسمكه يوم الجمعه على الغداء .. لذيييذ صراحه مايتفوت وخفييف .. انا زدت شبت بخلطه الخضار وزدت شوي مشروم لانه كان باقي من عشا امس شوي سيقان مشروم خخخ .. وقدمته مع عيش بالشبت يم يم .. وفته ..
    عاد انا عشقي الشبنت والورقيات .. ينعشني هو بقوه ..
    يعطيك الف عافيه وياجعله بيت عامر ..

    1. مشكووووره على كلامج اللي كله ذوق وعليج بالف الف عافيه وتسلم ايدج
      اضافاتج مميزه مثلج وان شاء الله اجربها قريب مع الشبنت :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s