سلطة الربيان المشوي



هالوصفه سهله جدا وتاخذ وقت وبنفس الوقت لذيذه
الاسم يقول انها سلطه بس تقدرون تخلونها طبق رئيسي وهذا اللي صار معاي لوووول
جربوها وان شاء الله تعجبكم
القفشه الصغيره المستخدمه اقصد فيها مالت اللاستكانه الصغيره كلش 

وهذي شكل الشوايه لعيون الغاليه فشوشه 



المقادير : ( مثل اللي بالصوره تكفي 2-3 اشخاص )
مقادير الربيان المشوي:

10 ربيانات وسط الى كبير بالقشر منظفه ومشيول منها خيط الظهر
2 قفشه صغيره كمون
قفشه صغيره بهار سمج
قفشه صغيره فلفل احمر او اي بهار هندي مال سمج مقلي
قفشه صغيره بابريكا
قفشه صغيره فلفل اسود
ملح حسب الرغبه
قفشه كبيره ثوم مهروس
قفشه كبيره زيت زيتون
ربع كوب عصير ليمون
قشر ليمونه مبشوره
مقادير السلطة :
شده جرجير
نص حبه فلفل اصفر مقطعه مكعبات صغيره
نص حبه فلفل احمر مقطعه مكعبات صغيره
ربع حبه بصل صغيره مقطعه شرايح ناعمه
عصير نص ليمونه
رشه زيت زيتون
رشه كمون
رشه سماق
رشه فلفل اسود
ملح
قفشه صغيره او 2 خل بلساميك

الطريقة :
ننقع البصل بالليمون والزيت والبهارات ونخليه عشان يتخلص من حرارته وبعدين نضيف الفلفل ونحطهم فوق الجرجير ونرشهم بالخل
نتبل الربيان بالتتبيله ونشويه بالشوايه ونصفه بالصحن .. الربيان ما يتحمل شوي وايد عشان لا يصير مطاط  من تشوفون انه مسك روحه قلبوه على الويه الثاني شوي ورفعوه من على النار
بالف عافيه




Advertisements

3 Comments اضافة لك

  1. Fishah كتب:

    تسلم ايدج حبيبتي :*احس الشوي صعب .. اممم شلون صايره شوايتج @@توني انا سوالفي بس فرن هههههه

  2. bent el deera كتب:

    هلا بالغاااااااليه :***الشوي مو صعب .. تذكري لا تقلبين كل دقيقه خلي الربيانه او الستيك او الديايه تاخذ وقتها على الويه الاول والويه الثاني غاليا ياخذ وقت اقل من اللاول ولا تضغطين الشي المشوي بظهر القفشه ولا بالشوكه واخيرا وليس اخرا .. راقبي الحراره شوايتي من فليبس واخذتها من مركز سلطان واحبها تينن ما تحرق الاكل و ما تخليه يلزق انا حاطه صورتها قبل بس الحين انزلها بالموضوع نفسه

  3. Fishah كتب:

    مشكوووره :***خوش نصايح .. عاد جنج تدرين اني اضغط علي الشي عبالي يخلص اسرع لوول

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s