فطائر سبانخ 2

 

 احب فطاير السبانخ الحامضه وشفت هالوصفه عندي من سنه كامله بالمسوده

لتطبيق افضل  بمجرد ما تخلطونه احشوه على طول لانه كل ما طولتو زادت السوائل فتتبطل العجينه 

استخدمو اي وصفه عجين تحبونها وتقدرون تضيفون لها جوز لنكهه احلى ( انا افضلها مع جوز دائما ) وهم تقدرون تضيفون بالحشوه رمان او زرشك او موتزريلا حسب الرغبه

الوصفة الثانيه موجوده بهالرابط 

ملاحظة : كميه الطحين او الدقيق غير ثابته وتتغير بتغير الطقس ومستوى الرطوبه بالمطبخ ونفس الشي بتوقيت التخمير

المقادير:

 2 ونصف الى 3 اكواب طحين

1 م ك خميرة فورية

1 2\1 م ص ملح

½ م ص بيكنج باودر

2 م ك سكر

¼ كوب روب

1 كوب ماء دافىء

¼ كوب زيت

وهذي الاضافه من عندي : 3 م ك حليب مجفف في حال استغناء عن الروب

الحشوه

2 كيس سبانخ مثلج او ما يعادلها فرش وطبعا الفرش افضل

ربع كوب عصير ليمون

ربع كوب زيت زيتون

م ك سماق

2 م ص دبس رمان

رشه بهار 

2 م ص ملح

بصله مفرومه ناعم

الطريقه:

للعجين ناخذ المقادير الجافه ونخلطها مع 2 ونص كوب طحين  وبعدين نضيف المقادير السائلة ونخلطهم بالعجانه و نضيف باجي الطحين من النص كوب حسب الرغبه .. المهم انها ما تكون ناشفه

ونعجنها لفتره 10 دقايق و نحطنها بطاسه العجين بعد ما نمسحها بالزيت ونمسح العجينه بعد وخليها تخمر بمكان دافي

نعصر السبانخ من الماء عدل ونضيف له باجي المقادير نفرد العجين بسمك خفيف ونقطعها دوائر ونضيف جزء من الحشوه ونطبقها على الويه نضيف لها حليب وبيضه وفلفل اسود مخفوقين مع بعض وسماق وتدخل الفرن لين تتحمر وبالف عافيه

* لتجهيز رمضان : تقدرون تسونهم وتخبزونهم بالفرن وتفرزن وقبل الفطور دخلوهم تسخن الفرن عادي او بالمايكرويف

 

الإعلان