معكرونه باللبن مع الكفته

هالوصفه هجين بين معكرونه باللبن وفته الكفته او الفته التركيه ( اسكندر كباب ) … صراحه فكرت فيها وطبقتها ولقيت طعمها حلو وحبيت اشاركم فيها
طبعا كل المقادير حسب الرغبه .. حضرتو الكفته مثل ما تحبون لاني اسوي رجيم دخلت الكفته بالفرن بدل القلي  طبعا تقدرون تستخدمون الكفته المثلجه او تبدلون اللحم بالدياي .. انا خليت الروب مثوم لاني احبه جذي تقدرون تلغون الثوم اذا ما تفضلونه
صديقات الرجيم .. اخذو باستا سمره والغو الهرده وخلو الروب خالي الدسم من غير لبنه وتمتعو بكميه كوب منها :>


بسم الله نبتدي …

المقادير :
لحم كفته ( انا سويت ربع كيلو لحم عليه بصله صغيره ونص شده صغيره بقدونس وحطيته بالفرامه وخلطته  مع ملح وفلفل اسود وكمون وبهار لحم ورشه دارسين )
بصل مفروم
فليفله خضره مفرومه
طماط مهروس
معجون طماط
ثوم مهروس
ملح
فلفل اسود
بهار
بابريكا
روب مخلوط مع قفشه لبنه بينار
قفشه هرده
عصير ليمون حسب الرغبه
نعناع
صنوبر محمص 
بقدونس مفروم
باستا مسلوقه

الطريقه:
نشكل الكفته دوائر ونحطها بصينيه البايركس مدهونه بالفرن  ونقلبها بنص الوقت عشان تستوي وتتحمر من كل الاجناب
نحمس البصل والثوم ونضيف له الطماط المهروس والمعجون والفلفل ونخلي الصلصه ثقيله شوي وبعدين نضيف البهار والملح والفلفل الاسود ونضيف لها الكفته المستوي ونقلبها لين تاخذ من كل النكهات .. اخر شي نضيف البابريكا واذا تحبون فلفل احمر حار هم ضيفو لها
نخلط الروب مع الثوم والهرده والنعناع والملح والفلفل الاسود

بطبق التقديم  نصف الباستا ونصب فوقه خلطه الروب وتالي نحط الكفته مع الصلصه واخر شي نزينها بالصنوبر والبقدونس المفروم وبالف عافيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s