review :shake shacks

رح ابتدي اول تقييم حق اشهر هبه مطعم يديده


** shake shacks **





احنا رحنا ثاني يوم من الاقتتاح وكان اكو طابور بس ما شاء الله سريع خلال 5 دقايق طلبنا والحلو ان وانت واقف باللاين يوزعون عليك ايسكريم او ميلك شبك للتذوق … الطابور يمشي بسرعه والخدمه سريعه خلال ربع ساعه انت ماكل وخالص وماش ايدك بكلينكس بعد .. حبيت انه سريع وان اكو لاين مخصص حق المشروبات يمشي اسرع من لاين البرغر الستاف يهبل جدا حبيتهم
اليوم اللي رحنا فيه كان ويكند وحنا على الساعه 3 ونص والحمدالله هالحزه ما فيها زحمه زود… بسرعه حصلنا طاوله لنا كلنا :>

عطونا المنيو وقررنا شنو طلبنا بيكون … منيوهم متنوع واكو شرح تحت كل صنف  :> (( ضعطوا على الصوره للتكبير ))



بعد الطلب عطونا جهاز يبلغنا لمن تجهز وجبتنا




وهني بعد ما خلص الطلب هههههه


 كان عباره عن تشيز برغر وشاك ستاك وشيك برغر مع البطاط والمشروبات
التشيز برغر عباره عن لحم وجبن فقط … شاك برغر اللي باليمين نفس التشيز برغر بالاضافه حق طماط وخس شاك ستاك اللي بيسار الصوره عباره عن شاك برغر مضاف له مشروم بوتبيلو محشي جين :>



وهذا حسوني حبيبي ياكل بطاط

 وجبتي اللي رح اقيمها شاك برغر

الخبزه ترفه بس الحشوه وايد عاديه وما حسيت بطعم صلصه شيك شاكس اللي اسمع عنها ..بس الحلو فيها مع ان حجمها صغير الا انها تشبع

الجو العام : زين حق مطعم برغر … لانه بنص المجمع ما فيه ريحه البرغر طاغيه الحمدالله 
الخدمه: الستاف وايد حبوبين وكانو يمرون علينا يتاكدون ان كل شي اوكي … الخدمه سريعه جدا وحبيت هالشغله فيهم
الجوده : زينه مو وااو … يمكن لان عندنا مطاعم برغر وايد زينه بالكويت فالبرغر نفسه ما برز عنهم … لا تفهموني غلط اهو حلو ورح اروح له ان شاء الله مره ثانيه بس توقعته الذ من جذي
السعر : مناسب تقريبا الوجبه تطلع ب 3.5 دنانير

راي بنت الديره النهائي : **  ( من 5 )
number : 22242424
Advertisements

5 Comments اضافة لك

  1. Yazz كتب:

    shakla yshaweg 🙂

  2. رورو الشخبوطه كتب:

    شكلي بجربه اخر وحده بالكويت خخخ..بالعافيه..

  3. bent el deera كتب:

    yazz*****اي زين يستحق التجربه :>

    رورو الشخبوطه**************يا هلا وغلالالا لووووول روحي الحين ماكو زحمه عليه :>

  4. ام حسون كتب:

    ام حسونمشكوره اختي على التقييموانا عن نفسي ما حبيته وايد ذقت اماكن احلى والقعده ارتب بس الي كان محليه اهو يمعتنا وما اعتقد بالقريب العاجل راح اكرر هالتجربه

  5. bent el deera كتب:

    هلا ام حسون الغاليه :*صاجه قعدتنا اهي اللي محليته :>

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s