reviews

review :pick



اقدر اقول عنه مكاني المفضل للريوق.. الساندويشات عندهم متقنه والتغليف مرتب .. للاسف حاولت مره اروح له وضيعت مكانه مع انه موضح عدل بالسايت يمكن لان ما كان اكو اشاره تدل عليه



عموما احنا نطلب منه وايد وكل الساندويشات اللي جربناها لذييييذه  … عندهم خدمه توصيل المكاتب او التوصيل للسياره :>

 الساندويشات اللي جربناهم منهم وحبيناهم

ساندويش التيركي مع الجرجير بالخبز الاسمر  … عباره عن سندويش مع تيركي وبستو وجرجير لذيذ جدا



ساندويش جبن الموتزريلا

 هذا روووووووعه صار مخامط عليه صورت جزء واحد فقط  وشوفو الجبن شلون متمغط بره الساندويش يمممممم … عباره عن جبن وبستو وطماط داخل صمونه بانيني لازم لازم تجربونها

ساندويش الحلوم وراب الببروني 



الحلوم وايد لذيذ يي بخبزه مربعه فيها بستو وحلوم مشوي وطماط ونصها تشبع

راب الببروني

عباره عن خبزه راب محشيه ببروني وجبن وشوي صلصه طماط … حلوة بس بالنسبه لي يبيلها تخفيف لحم 

اما السلطات فما جربت غير سلطه الجرجير

للاسف تجربتي مع سلطه الجرجير ما كانت ناجحه مثل الساندويشات … اول مره وصلني كرتون السلطه وكان ناقع بسوائل من تحت مادري من شنو يمكن مني لاني هديتها فتره طويله قبل لا ابطلها شكلها ما كان مشجع فما اكلتها.. ثاني مره طلبتها واكلتها وحطيت نص كميه الدريسنغ الموجوده وكانت وايد ولان الكرتون من ورق تسرب جزء من الدريسنغ بره العلبه  وما كملتها.. بس طعمها زين لو يقللون قشر الليمون بتطلع احلى







 الجو العام : مكانه للاسف مو مبين عدل لازم قبل لا تروحون تدقون يوضحون لكم وين مكانهم… الشي الثاني ماكو مسافط قباله لازم تلفون له من وره
الخدمه: التوصيل سريع والتغليف حلو .. ومستر نايس غاي اللي يرد على التلفون وايد مهذب ههههه
الجوده : رائعه من ناحيه الطعم والمنتج نفسه والشكل خارجي
السعر :  مناسب بين 1500- 1750  للساندويش
راي بنت الديره النهائي : **** ( من 5 )  خاصه ساندويش الموتزريلا مالهم يم يم


twitter : @pick_kuwait
number : 22913333
Advertisements

8 thoughts on “review :pick

  1. النوري*******مشكوووره حبيبتي على الاقتراح وان شاء الله رح اجرب الشاورما وبعزمهم على السبايسي جكن..الله يعافيج حبيبتي ومشكوووره على المرور والتعليق

  2. الله يسامحج يوعتيني انا بروحي بطني قارصني من اليوع وتو الناس على الطلعه من الدوام .. والله سمعت عنه وايد بس المشكلة انا بريجيم دااااااائم وفوق هذا انا نبايته فا في عندهم اكل دايت مع اجبان وخضره ؟؟

  3. Rainy *****وي بعد عمري الله يعينج :**المنيو موجود بسايتهم عندهم اجبان وخضار بس مادري عن جم كالوري فيهم دقي ساليهم اتوقع احسن :>

    Dear Romeo***********thanks a lot .. you can find the menu in their site and the prices are ok 🙂

    النوري*******بعد جبدييييييي والله :****عاد انا بعد وايد احب احوس ببلوقج

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s