كتب طبخ يديده 2011




هذي اخر مشترواتي من كتب الطبخ.. اخذتهم من مكتبه العجيري وكالعاده كل سنه يسوون خصم على كتب الطبخ قبل رمضان
هالسنه الخصم 10%
للاسف نسيت اسعارهم بس كلهم اقل من 10 عدا كتاب هيل وزعفران


*كتاب الضيافة 6 : تاليف هدى الحشاش  … متنوع ويغلب عليه اطباق مكسيكيه  والحلو فيه وصفاتها سهله

*كتاب هيل وزعفران  : تاليف عرفات الاربش …. مقسم فيه موالح ( مقبلات وكبب واطباق رئيسية ) وحلويات وجانب الحلويات اكثر فيه وعجبتني فيه جم وصفه ان شاء الله بطبقهم قريب :>

* افكاري باطباقي 6 : تاليف بتول الكندري … هم متنوع وفيه وصفات يديده بس احس ان اصدارتها اللي قبل احلى مع اني للحين ما طبقت شي بس اتكلم من المكونات 



* الذواقه 2 : تاليف عبير الراشد …نفس الكتاب القديم مضاف له 28 وصفه يديده … مع اني احب وصفات عبير الراشد واحرص اني اشتري كتبها بس بالنسبه لي ما انصح اللي عندها الاصدار القديم انه ترد تشتري النسخه اليديده .. الوصفات اليديده اغلبها فته وسلطتين وطبق خفيف احس لو منزلتهم بكتيب بروحه افضل    **تحديث: بعد عمري عبير الراشد ما قصرت قامت بالتوضيح صعوبه انزال كتيب ب 28 وصفة بالاضافه ان النسخه طبعتها من اول ويديد :>




اذا في بعد كتب يديده او اصدرات حق كتب يديده بتنزل السوق علموني عنها  :>

Advertisements

7 Comments اضافة لك

  1. عبير الراشد كتب:

    حبيبتي بنت الديرة اسعد دوما بارائج القيمةوعندي ملاحظةاذاسمحتيلي,الذواقة 2 طبع مرتين فقط والنسخةالحاليه تم اعادتها بالكامل من الالف الي الياء بسبب ظرف فني حصل للنسخه الاصليه,الكتاب مثل ماقلتي للي ماعندة النسخه او للي استهلكت نسخته وحاب يشتريه مرة ثانيه,واسمحيلي 28 وصفه صعب تنشر في كتيب لان العدد وايد قليل ,اكرر اني سعيدة بارائج القيمة( والله هذي حقيقه)ومشكورة

  2. bent el deera كتب:

    انا واااايد سعيده بمرورج وتعليقج عندي فوق ما تخيلين :>وارد واقول انا وايد وايد وايد احب وصفاتج واي شي عليه اسمج اشتريه وانا مغمضه والدليل ان النسخه الثانيه عندي وهم شريت هالنسخه :>… للاسف انا ماعرف بامور النشر والمطبوعات شكرا للتوضيح والله يعطيج الف عافيه :>

  3. BlackTulip كتب:

    ما شاء الله عليج بالعافيه و عسى نشوف الوصفات عن قريب ^^

  4. bent el deera كتب:

    BlackTulip***********حبيبتي تسلمين وحياج الله دوم :>

  5. عبير الراشد كتب:

    حبيبتي بنت الديرة الله يعافيج وانابعد من متابعين بلوقج وملاحظاتج دائما وبالتوفيق لبلوقج الرائع

  6. عبير الراشد كتب:

    حبيبتي بنت الديرة الله يعافيج وانابعد من متابعين بلوقج وملاحظاتج دائما وبالتوفيق لبلوقج الرائع

  7. bent el deera كتب:

    يا بختي والله :**

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s