اقماع السميد بالقشطة

 

 

وصفه سهله ويديده وطعمها حلو … لمن شفت هالصوره وانا اقلب بالمحطات ما قاومتها وقلت باذن الله لازم اجربها

  جربوها مرح تندمون ان شاء الله…

انا سويت نص المقدار اذا تبونها كميه كبيره دبلوها بتلاحظون اني استخدمت مقدار القشطه كامل لان الكميه المذكوره شويه على المقادير … احب اذكر ملاحظه مهمه… هالنوعيه من الحلو تفش ويخترب طعمها اذا تركتوها فتره فالافضل انكم تسونها قبل الفطور بشوي عشان تمتعون فيها

اضافتي  زدت نص كوب قيمر للقشطة عشان تكون غنيه اكثر… الشيرة او القطر او الشربات عباره عن كوب ماء على كوب سكر وجم حبه هيل تخلونهم على النار لما تثقل يعني تقريبا نص ساعه

بسم الله نبتدي

المقادير : تعطيكم تقريبا 25 حبه

كوب سميد ناعم

نص كوب سمسم

رشه ملح

ربع كوب طحين

نص ملعقة صغيره بيكنغ بودر

نص ملعقة صغيره ماي زهر

3/4 كوب قيمر( قشطه معلبه مثل بوك او نستله او كي دي دي او غيرها)

فستق مطحون للزينه

وشيره

مقادير القشطة:

كوب حليب

1/2  كوب قيمر ( قشطة معلبه )

2 م ك   طحين

2 م ك  سكر

1 م ص ماء زهر

الطريقه :

نخلط الطحين مع السمسم والسميد مع البيكنغ بودر والملح و نضيف القيمر ونخلط

نلم العجينه ونغلفها بالنايلون ونحطها بالثلاجه ترتاح لمده ساعه او اكثر

على ما ترتاح نسوي القشطه … نذوب الحليب مع الطحين والشكر على  النار ولما تثقل نضيف القيمر وماي الزهر ونسكر النار ونغلفها بنايلون ونخليها تبرد بجو المطبخ

نفرد العجينه اما بالشوبك او بجهاز الباستا ونقطعها دوائر حسب الحجم اللي نبي ونسكر الاطراف عشان تتشكل  على هيئة قمع

نسخن الزيت ونقليها اول ما تشقر نشيلها ونسقطها بالشيره .. مرح تاخذ وقت من دقيقه الى دقيقتين بالكثير

نحشيها بالقشطه ونرش عليها الفستق المطحون وبالف عافية

Advertisements

4 Comments اضافة لك

  1. yasmeen كتب:

    7abibty bint el deera, min zemaaaaan o ana wedy ared ajarreb wa9fatech il 7elwa 🙂 ga3da at6amash ashof, hathy il akla inshallah bajarreb ha hal esboo3, o feeh cham akla ham bajjerb ha o bagoolich shloon 6la3at ma3ai 🙂 teslam lina hal edayat wallah 🙂

    1. bent el deera كتب:

      حبيبتي انتي عليج بالف الف عافيه والموقع بالوصفات اللي فيه تحت امرج 🙂

  2. yasmeen كتب:

    tawny 5al9a minha, an6erha tabred o nakelha inshallah 🙂

    1. bent el deera كتب:

      عليكم بالف عافيه وتسلم الايادي… هالوصفه تنوكل على طول لانها بعد فتره تفشفش 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s