تجربتي مع طحين المعجنات المطاحن :review

من قبل رمضان وانا اشوف اعلانات انواع طحين اليديده اللي منزلتها شركه المطاحن الكويتيه ترس الشوارع وبالجرايد

قبل يومين شفت خليط المعجنات واللقيمات بالجمعية وجربته بنفس اليوم

كنت معتقده ان نوع الطحين يختلف .. يعني يكون اقوى من الطحين العادي والطحين الفاخر بس طلع طحين مخلوط مع خميره وملح  وحليب بودر وكل اللي تحتاجون تضيفون له زيت وماي

على كل 3 اكواب من خليط الطحين 5 قفاش زيت ( انا حطيت 3 ) وكوب ماي وتخمر عادي … حدهم يريحون من المعايير والمقادير مضبوطه 100 % تحتاج تقريبا 10 دقايق عجن ساعه الا ربع تخمير وشكلو على طول … وطعمها زين بس لا تظل بعدين تنشف وتصير مو حلوة 

سويت فيها فطاير جبن و بيتزا وزعتر باطراف جبن

وهذول قبل لا ادخلهم الفرن

وبعد ما خلصت

اذا كنتو متعقدين من العجين وماكو وصفه تضبط معاكم انصحكم فيه  .. اما اذا تحبون العجن انا اشوف في وصفات تعطي عجينه طريه احلى منها :>

الإعلان

10 آراء حول “تجربتي مع طحين المعجنات المطاحن :review

  1. Marwa كتب:

    بالعافية على المعجنات شكلهم حلو 🙂

    انا جربت العجينة الاسبوع اللي طاف وسويت فيها لقيمات على حسب طريقتهم اللي مكتوبة خفت أضيف مكوناتي العادية واخربها.. ومع الاسف شكلها طلع يشوق بس يابسة حيل حيل تكسر الضروس. لقيماتنا العادية احلى منها مليون مرة 🙂

    بس شكل الخلطة مالت الكيك بتطلع عجيبة وترفة 🙂 

    • bent el deera كتب:

      الله يعافيج حبيبتي :>
      ومشكوره على ذكر تجربتج عاد قلت بجربي اللقيمات واشوه اني شفت تعليقج قبل

      خلطه الكيك ما شفتها وان شاء الله تجربينها وتطلع اوكي :>

      حياج الله

  2. Marwa كتب:

    حبيبتي انتي اللي مشكورة وماقصرتي حطيتي تجربتج وانا من باب الافادة حطيت طريقة لقيماتهم وما يازت لنا.. يمكن لما تجربينهم تعجبج طريقتهم 🙂

    ان شاء الله اذا نزلوا باجي الانواع نجربهم من باب التجربة 🙂 بس للحين ما نزلوهم 🙂

    • bent el deera كتب:

      بعترف لج اعتراف … مره سويت لقيمات وطلعت أشكال عجيبه غريبه ولا شكل منهم كان مدور هههههه
      أنا ماحب اللقيمات اليابسه حلاتها هشه وذهبيه … خالتي العوده تسوي أحلى لقيمات بالدنيا بس للأسف ماعندها مقدار
      ومثل ما قلت خل ينزلون الباجي ونجربهم 🙂

    • bent el deera كتب:

      أي صاجه عجنه وايد سهل وسريع
      الله يعطيج العافيه وتسلم الأيادي ومشكوره على أضافتج الحلوة 🙂

    • bent el deera كتب:

      الله يبارك فيج حبيبتي تو ما نور مطبخي :>
      حياج الله حبيبتي
      مشكوره على الاضافه

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.