حلوى الساقو

من الحلويات الشعبيه اللذيذه والبارده… وما شاء الله لها اكثر من طريقه… اهل البحرين يسونها على طريقه حلوى ولونها يكون اغمج من اللي سويتها وأهل قطر يخلطونها مع حليب ويسوونها مثل المحلبية .. انا بسويها على الطريقه الحساويه اللي تعملتها من عمتي :>

الساقو يحتاج وقت على نار هاديه لا تستعيلون عليه

وكل ما نقعتو الساقو فتره اطول كل ما كان سهل عليكم انه يذوب :>

تقدرون تقدمونه بصحون ملبسه عشان شكله يكون تقليدي اكثر وتهادونه من تحبون

هذي كانت تجربتي الاولى والحمدالله رب العالمين كانت ناجحه :>

المقادير تعطيكم حلاه معتدله اذا تحبون حلاها زايد زيدو كميه الشكر

بسم الله نبتدي

 المقادير : رح تعطيكم صحن عود او 4 طاسات صغيره

كوب ساقو منقوع بكوبين ماي على الاقل ساعتين

كوب شكر

 كوب ونص ماي حار

قفشه صغيره زعفران مخلوط مع هيل ناعم

ماي ورد

 ( احتجت 3 قفاش بس تقدرون تزيدونها او تقللونها ( زيت او زبده حسب الرغبه

الطريقة :

ناخذ الساقو  مع ماي النقع ونخليه على النار واطيه على اصغر عين ونحرك فيه لين تذوب حبات الساقو  وبتلاحظون ان مو كلها بتذوب بس المهم ان الغالبيه تكون ذايبه وتكون كتله وحده تقريبا

نذوب الشكر بالماي الساخن مع الزعفران والهيل وماي الورد ونصبه بالتدريج فوقه

بتشوفون بعض القطع تتكتل بس مع التحريك بتذوب ونتم نحرك فيها بين الفتره والثانيه ((ما تحتاج تحريك مستمر مثل البشاميل او المحلبيه )) واول ما تبتدي تثقل وتبقبق نضيف لها قفشه زيت ونرد نحركها عدل

وبعدين نضيف الثانيه والثالثه بالتدريج  ونخليها على النار مع التحريك حوالي ساعه الا ربع واذا حستو انها ثقيله ومحتاجه ماي ضيفو لها انا الحمدالله ما احتجت زود و بتعرفون انها استوت اذا بتشوفونها صارت  مثل العلوج

تنصب باواني التقديم وتدخل الثلاجه وتمتعو فيها بارده ساده او مع المكسرات وجوز الهند

Advertisements

10 Comments اضافة لك

  1. amani كتب:

    i love ur blog, i make almost ALL of ur recipes, but i gotta ask, WHAT IN GOD’S NAME IS A SHAQOO?!!!

    hahahahaha

    9orat el box law sama7ti 7abebti

    o 3asach 3al quwaa

    1. bent el deera كتب:

      هلا فيج حبيبتي وكلامج ونسني عليكم بألف عافيه

      والساقو ماده نشويه يقولون أنها من النخل هههه
      هذي صورتها وتحصلينها صوب الحلويات أو البهارات 🙂

  2. amani كتب:

    mn ams na6ritich trideen, hahahaha, ba6eer el jam3iya now asaweeha…. thaaaaaaaanx o 3asach 3al guwwa :*

    1. bent el deera كتب:

      الله يعطيج العافيه حبيبتي وان شاء الله تسوينها وتكون على ذوقكم

      تقبل الله وتسلم الأيادي 🙂

  3. amani كتب:

    ysalmich, i added more hail o food coloring 3ashan bnayti ma takel ela shay 7amar wila wardi wila tgool mo 7lo LOL

    i doubled kel shay ktabteeh, thb6at o enmsa7 el jider kila lol

    9ara7a ana mn zman atab3ich bs tawa bs twa9alt ma3ach 3ala salfat el sago hatha lol

    mashkoora wallah :*

    1. bent el deera كتب:

      الله يخلي لج بنيتج وتفرحين فيها عروس يا رب 🙂
      تسلم الأيادي وعليكم بألف ألف عافيه
      إذا تحبينها أغمج تقدرين تكرميلين الشكر وتألي تضيفين له الساقو:)) هذي الفكره يسونها أهل قطر والبحرين وعمان إذا ماني غلطانه

      والله يعافي الساقو اللي خلاج تتواصلين معاي … حياج الله دووووم وهذي الساعه المباركه

      صج صج ونستيني :****

  4. amani كتب:

    allah ysalmich ya galbi, mashkoora wayed :* o 3asach doom mstansa ya rab :*

  5. yasmeen كتب:

    9adgeeny ma kint a7eb il sago, ommy etsaweeh bidoon za3faran o ma kint ashteheeh, bs wa9fetech mashallah la ilaha illa alah, latheetha 🙂

    1. bent el deera كتب:

      حبيبتي مشكووووووره وعليكم بالف عافيه

  6. bent el deera كتب:

    حبيبتي تسلميييييين :**

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s