basic 101 · مونه · معجنات وفطاير · انواع الخبز والصمون

الخبز العربي او اللبناني او خبز البيتا

الصوره وايد ظالمه الخبز… صراحه خبز يهبل ولذيذ ومنفوش صج شحلاته والاحلى ان المقادير ما فيها ولا نقطه زيت .. تقدرون تضيفون محلب او حبه حلوه بالخلطه عشان تعطيها نكهه وريحه حلوة

  الخطوات التفصيليه تلقونها هني

جربوه وايد نايس :>… الفرق اني احتجت طحين اكثر  فخلطت شوي اسمر معاه وخمرتها اكثر

الوصفه الاصليه من رشه عطر من منتدى حواء ومكرره بوايد منتديات …شوفو شحلات الصوره  … منو يقدر يقاوم :>

الوصفه الاصلية تلقونها هني

http://forum.hawaaworld.com/showthread.php?t=1270683

انا استخدمت فرن البيتزا تقدرون تستخدمون الفرن العادي وتقدرون تستخدمون جدر الخبز الكهربائي

المقادير:

3اكواب طحين ابيض  منهم كوبين بتسخدمهم والباجي اضافيه حسب الحاجة

نص كوب طحين اسمر

كوب ماي دافي

قفشه ونص كبيره شكر

قفشه صغيره ملح

قفشه صغيره خميره فوريه

الطريقه :

نخلط الملح مع الطحين كوبين طحين ابيض ونص كوب اسمر

نخلط الخميره مع الشكر والماي ونصبهم فوق خليط الطحين ونعجن ونشوف اذا احتجنا طحين زياده نضيف بالتدريج لين تطلع عندنا  عجينه متماسكه  وثقيله شوي وما تلزق بالعجانه ( رح تحتاج تقريبا 10 دقايق عجن ) ومو الا تستخدمون كل كميه الطحين حسب المطبخ ونوع الطحين

 نخمره التخمير الاولي نص ساعه

 ناخذ صينية ونرشها بكميه وفيره من الطحين  ونكور قطع من العجين  ونغطيها بفوطه ونتركها تخمر التخميره الثانيه هم نص ساعه تقريبا او حتى تنفش

الحين بما ان عندي فرن البيتزا فهذا اللي استخدمته لو بتستخدمون الفرن العادي سخنوه اعلى درجه ورفعو الشبك على اخر رف وحطو صينيه الفرن او حجر البيتزا اذا عندكم وخلوه يسخن عدل

  نفرد كور العجينه بالنشابه وما نخليها رقيقه عشان تنشف وتتيبس  ونتركها ترتاح شوي اقل من دقيقتين وبعدين الفرن وعينا عليها لانها ماتطول يا دوب تنتفخ وتتحمر نشيلها :>

ملحوظه مهمه : تاكدو لمن تفردون العجينه انها مو مخرومه من مكان عشان تنفش وما تقلب لكم جباتي هههه

Advertisements

4 thoughts on “الخبز العربي او اللبناني او خبز البيتا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s