راس العصفور بدبس الرمان

تحديث : ياني ايميل يشرح لي ان اللحمه المقطعه سواء مكعبات او صغار تسمى براس العصفور ومصطلح لسان العصفور لا يطلق على اللحم … عكس ما كنت فاهمته ان المكعبات او الشقف تسمى راس العصفور والاصغر تسمى لسان العصفور لذا اقتضى التنويه

هالوصفه جدا لذيذه وسهله وسريعه …اللحم ينحط مع اي شي ممكن تاكلونه مع بطاط مهروس او مع حمص او تسونه فته او تاكلونه مع معكرونه او حتى خبز ومتبل او بحشوه الاوزي والفطاير او حتى بحشوه الكبه .. يعني مجال التنويع فيها كبير

اللحم اللي استخدمته لحم خروف استرالي صافي من صوب الفخذ وقطعته بالسكين .. سمعت انكم تقدرون تشترونه مقطع خالص شوفو اللي يريحكم سووه :>

المقادير والطريقة :

نحمس الثوم المهروس بزيت الزيتون وتالي نضيف له اللحم ونقلبه لين ينشف من مايه تالي نضيف له الفلفل الاسود والدارسين والبهار الحلو والبهار العادي والملح واذا تحبون نتفه هيل ناعم وبعدين نضيف كميه حلوة من دبس الرمان ونخليه يتشربه كله

نضيف له المكسرات وينوكل مع اي شي تحبونه وبالعافية

الإعلان