اطباق رئيسية · اطباق رئيسية- لحوم · اطباق رئيسية-باستا او المعكرونه

لزانيا باللحم

هذي لزانيا الرفله لان كل شي جاهز تقريبا هههه كنت منزله من قبل وصفه لزانيا ميلو هني هالمره بحط طريقه اللزانيا العاديه اللي متعودين عليها بالبشاميل تقريبا نفس الخطوات .. الطريقه جدا سهله بس جدا دسمه

نطرو اللزانيا تبرد قبل لا تقطعونها .. اذا ما تحبون تستخدمون البشاميل الجاهز ماركه ماجي او كنور تقدرون تسون الباشميل بس خلوه ثقيل ومقاديره  ( نص قالب زبده عليه 6 قفاش طحين و5 اكواب حليب ورشه ملح وفلفل ابيض وجوزه الطيب وباخر شي نضيف خمطه جبن موتزريلا عشان تميع وتثقل زياده )

ماركه صلصه الباستا استخدموها مثل ما تحبون بالنسبة لي افضل هالماركة

المقادير :

نص كيلو لحم مفروم

علبتين صلصه الباستا

حبه بصل كبيره

فصين ثوم

اعشاب عطريه مثل ما تحبون ( ريحان .. اوريغانو … زعتر )

نص علبه باستا

جيس بشاميل جاهز بحدود لتر

جيسين موتزريلا مبشوره او علبتين بشروهم بالبيت

بارميزان مبشور

بهارات : فلفل اسود وبهار عادي وهيل ناعم وكمون وقفشه شكر

الطريقه :

نحمس البصل ونضيف له الثوم واللحم والبهارات وصلصه الباستا والاعشاب ونخليه لين يثقل

نسوي البشاميل مثل ماهو مذكور

نسلق الباستا نص سلقه ونبردها بماي باااارد عشان لا تلزق ببعض

نحط شوي بشاميل بارضية بصينيه الفرن وبعدين الباستا واللحم والجبن ونعيد الخطوات ونخلي اخر طبقه بشاميل وجبن ونرشها بالاعشاب وندخلها الفرن نص ساعه الى ساعه الا ربع لين ما تذوب الجين وتتماسك عدل

قدموها مع خبز بالثوم وبالف عافيه

Advertisements

4 thoughts on “لزانيا باللحم

  1. elyom saweetha 3ala il ghada, wayed 7elwa mashallah, bs ta7asaft leash ma saweet il bashamel bnafsy! shareetah jahez markat “president” o 6la3at wayed sa2la qametha :/

    1. عوافي على قلوبكم يا رب… احنا بعد امس غدانا لزانيا وغالبا الباشاميل الجاهز اللي استخدمه اما ماجي او كنور وتقدرين تتحكمين بالكثافه مع التحريك

      وحبيت افيدج بشغله اذا شفتي ان البشاميل خفيف تقدرين تحطين عليه كميه من جبن الموتزيلا تثقله او انج تذوبين حليب مع طحين وتصبينه فوق البشاميل على النار مع التحريك لين يوصل للكثافه المطلويه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s