خطوات المحشي

  بتلاحظون اني نزلت تصنيف يديد باسم ” خطوة بخطوة ” حطيت فيه كل الوصفات اللي فيها صور مفصله عشان اسهل عمليه البحث واساعد اللي يبي يجرب لاول مره عشان يسهل التطبيق مع الصور التفصيلية  :>

وان شاء الله انزل فيه صور تفصيليه للوصفات  القديمه باذن الله

حشوه المحشي لكل انواع المحاشي عندي ثابته تقريبا… احشي فيها الكوسا والفلفل والبطاط والبصل واي خضره تصلح للحشي

اذا كنت بحشي الكوسا بروحها ماله داعي الثقل اللي بتشوفونه بالخطوات الاخيره

وصفات المحشي بالموقع تلقونها هني وهني و هني

ونفس الخطوات لتقوير الكوسا نسويها بعمل المخشي او كوسا بلبن

بسم الله نبتدي

بالنسبه حق حفارات الكوسا والبطاط اكو نوعين وكلهم يصلحون.. عن نفسي استخدم الصفرا اول عشان وتالي استخدم العادية

بعد ما خلصت عمليه التقوير :>

ننقعها بماي وملح على ما نخلص باجي التجهيزات … يعني حوالي ربع او نص ساعه.. بصراحه ماعرف ليش نسوي هالخطوة بس لان امي الله يرحمها ويدتي يسوونها مشيت معاهم عليها

مبعد ما نخلص من تقوير كل الكوسيات ناخذ بطن الكوسا ونحطه بارضيه الجدر عشان يثقل لي الصلصه وعشان يسوي لي حمايه وهم لانه طعمه حلو واخيرا عشان ما نكت النعمه .. طبعا لها استخدامات ثانيه وممكن ينخلط مع الكوسا او تسون منه شوربه او تخلطونه مع طحينه او تحمسونه مع دياي وجزر وتحشون فيه ساندويشات او تسوون منه اومليت

ناخذ كميه راهيه من الثوم ونقططها شرايح ونوزعها فوقهم عشان تعطيني نكهه حلوة للمحشي

الحشوه عباره عن بصل ولحم وبقدونس وطماط وعيش مصري ونعناع مع بهارات وقفشه دبس رمان اذا حابين المقدار بالتفصيل راجعو اللينكات الموجوده وطبعا تقدرون تضيفون لها شبنت او نخي او اي شي ثاني تحبونه بالحشو

نحشي الكوسا ونخلي مسافه عقله اصبع فاضيه عشان نعطي مكان العيش يتمدد بالطبخ

نصف الكوسيات والفليلفه بالجدر بطريقه انهم كلهم يكونون بمستوى واحد

نصف المحاشي بالجدر ونغطي الفلفل ههه

نحط عليهم الصلصه عباره عن ماي وطماط مهروس ومعجون طماط … ممكن تضيفون صبار او دبس الرمان اذا حبيتو

نغطيه بصحن وثقل ونخليه على نار خفيفه لين يستوي وبالف عافيه 

3 thoughts on “خطوات المحشي

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s