ربيان فاهيتا بتتبيله No nO Enrique

اهي دزت لي الوصفه كربيان مشوي انا زدته شوي بهارات وشويت معاه خضار واكلناه مع صلصه فوكادو وتورتيا وكان جدا لذيذ

جربوه وان شاء الله يعجبكم… واذا عندكم وصفات جحابين انزلها بالسايت تقدرون تنزلونها بالكومنت او عن طريق الايميل:>

صديقات الرجيم : اخذو 4-6 حبات مع ثلث خبزة تورتيا وقفشه كبيره صلصه افوكادو وجرجير وبتكونون بالسيف سايد :>

بسم الله نبتدي

المقادير :

ربيان مقشر ومنظف من صوب الظهر

ليمون اخضر مقطع ارباع ( اهي كانت ذاكره ليمون اصفر عادي بس حبيت احط الاخضر للتغيير )
2 م ك من خل التفاح
م ك زيت زيتون

2 فص ثوم
ملعقه صغيره ملح

ملعقه صغيره فلفل أسود

كوب سفن أب

والمفروض علبه روب بس ما حطيتها

  واضافاتي بهارات  الفاهيتا ماركه ماجيك تقريبا م ك

بهارات سموكي  تقريبا نص م ك

نص م ص اوريغانو

نص م ص بابريكا

م ك اوراق الزعتر ( thyme)

فلفل ملون شرايح طوليه

بصل

وطبعا خبز تورتيا

والصلصه كانت عباره عن افوكادو وعصير ليمون اخضر وملح وفلفل اسود وكزبره وكمون وطماط

الطريقة :

نتبل الربيان بالبهارات والملح والفلفل والسفن اب وزيت الزيتون والخل والثوم والاعشاب والليمون الاخضر وتنخليها تتبل على راحتها

نشوبها بعدين مع الخضار على الشوايه الحارة وما نحتاج نضيف زيت لان التتبيله فيها زيت اصلا بس نرش شوي بهارات فاهيتا وفلفل اسود وملح على الخضار

شوفو الربيان بسرعه يستوي من يتغير لونه ويصير وردي نقلبه على الويه الثاني ونتركه شوي وبعدين نقدمه عشان نحتفط بعصارته وما يكون مطاط بالمضغ

بعد ما يستوي نزينه باوراق الزعتر ونقدمه مع التورتيا والافوكادو وتقدرون تقدمون معاه جبن او كريما حامضه اذا حبيتو او مع عيش مكسيكي وبالف عافيه.. انا سويتلي راب مع اوراق الجرجير وكانت جدا لذيذه

Advertisements

One Comment اضافة لك

  1. التنبيهات: رز مكسيكي | My Kitchen

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s