سلعة ووصفة : باستا وسمك مشوي مع منتجات جيمي اوليفر

من فتره وانا اشوف منتجات جيمي اوليفر بلولوماركت … وتشجعت اشتريها لاني  مجربه وصفاته من قبل وضبطت معاي وفوق هذا انا اصلا احب ستايله واسلوبه

حبيت بمنتجاته انها يديده وغير اللي متعودين نحصله على الرف بالجمعيات.. بالاضافه الى فرق الجوده وهالشي بتحسونه لما تجربونه

اخذت بستو الاعشاب الايطاليه و بستو الكاجو والكزبره وصلصله الباستا بالطماط والزيتون وباستا نوع بيني و خلطه بهارات معاها الطاحونه عشان تكون فرش اكثر … الحين نيي حق كل منتج بروحه
الباستا … عاديه ما حسيت فيها فرق بينها وبين اي منتج ثاني
البستو … النوعين حلوين ومثل ما ذكرت نكهه يديده وقويه احسها مع اطباق الفرن بتكون اضافه جيده او مع البيض المخلوط او قفشه منهم بدريسنغ السلطة
الصلصه .. حبيتها مافيها طعم الطماط المعلب وبعدين كميه الزيتون فيها راهي مو مثل بعض اﻻصناف لما يكتبون صلصه ومعاها اضافه كل اللي نلقاه من اﻻضافه واحد وﻻ اثنين بكل العلبة.. ممكن نضيفها بعد فوق البيتزا وبس نرشها جبن

البهارات حبيتهم جدا ومفكره امر اخذ باجي اﻻنواع … الخلطة نفسها حلوة ومع السمج كانت تينن واتوقع تصلح حق الدياي والربيان

 طلعت لي منهم بهالوصفه سمج مشوي تبلته بالبهارات والملح والفلفل الاسود  وشويته على الشوايه وبعدين ويعدين مسحتها ببستو الاعشاب وحطيت عليه شرايح ساليري وليمون ودخلته الفرن يكمل سواه

الباستا مجرد اني سلقت الباستا وسخنت الصلصه وضفت لها شوي من ماي سلق الباستا وخلطتهم كلهم على الجولة… شوفو كميه الزيتون اللي طلعت لي وهذي ثلث العلبه تقريبا

2 thoughts on “سلعة ووصفة : باستا وسمك مشوي مع منتجات جيمي اوليفر

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s