review : Nestlé Toll House giant cookie

امس انا وخواتي مرينا ابو الحصانيه العصريه عشان نجرب الكافيه

كان ما شاء الله هادي..خواتي طلبو كوكيز ايسكريم ساندويش وكوكي عملاقه حق اختي بمناسبة عيد ميلادها

عندهم 4 احجام كبيره .. نص شيت او شيت كامله ييون على شكل صينيه مربعه .. وعندهم على شكل قلب الحب حجم واحد.. و 3 احجام شكل الكوكيز العادي احنا اخترنا الحجم الوسط 13 انش واخترنا فكره التزيين مع الوان الايسنغ ..واستلمناها بعد 3 ساعات

وهذي كل الاشكال اللي كانت موجوده

http://www.nestlecafe.com/Portals/0/Dec2008_CookieCakesWeb.pdf

 

شكله كان حلو واختي استانست عليه وايد لانها تحب الكوكيز جدا.. عيالها استانسو على الكوكيز اكثر واكثر

الكوكي نفسها تشوي ولذيذه انصحكم تجربونها احنا اخترنا الشوكيلت تشيب العاديه بس عندهم انواع ثانيه تقدرون تختارون منها

سعرها كان تقريبا 8 دنانير .. للاسف ما اخذت رقمهم وعنوانهم ما يضيع .. بخط فحيحيل دخله 208عقب الاشاره يمين وبتشوفونه بالويه

هني بتشوفون المنيو :

http://www.nestlecafe.com/Portals/0/images/menu/Oct08_CafeMenuFINAL.pdf

تقييم بنت الديرة :*****

الإعلان