سلطة الزعتر اللذيذه

اذكر قبل فتره طويله اخوي بو ناصر دزلي ايميل يسالني شنو وصفتج المفضله بالبلوق… ورديت عليه صعب احصر وصفه واقول عنها المفضله خاصه اني احب الاكل بس عندي وصفات مفضله بكل قسم :>

هالسلطه تعتبر من سلطاتي المفضله  .. سرها الزعتر الاخضر معطيها نكهه ولا اروع و الدريسنغ وايد ماشي معاها … انصحكم تستخدمونه بوصفات الفتوش بس زيدوه قفشه كبيره سماق

ومثل اي سلطه لا تخلونها بالدريسنغ فتره طويله عشان ﻻ تنزل سوائل الخضره وتقلب مرقه ..افضل تضيفون جرجير بس ﻻنه وقت التصوير مو متوافر عندي

المقادير حسب الرغبه:

اوراق بقدونس

اوراق زعتر اخضر

خس مقطع كبار

خيار مكعبات كبيره

طماط مكعبات كبيره

بصل اخضر مقطع شرايح ضعيفه

الدريسنغ

  قفشتين صغار دبس رمان من النوع الجيد

 قفشه صغيره ثوم مهروس .. تقدرون تقللون حسب الرغبة

ثلاث قفاش صغار خل ابيض

اربع قفاش كبار عصير ليمون

ثمان قفاش كبار زيت زيتون

نص قفشه صغيره خل بلساميك

قفشه صغيره ملح

ورشه اوريغانو او نعناع يابس او سماق او كمون حسب الرغبه ..كل مره حطو شي

Advertisements

4 Comments اضافة لك

  1. shesalfah كتب:

    =D yaaaaaaaaam I need a healthy recipes for my diet thanx ^_^

  2. bent el deera كتب:

    جربيها وان شاء الله تكون على ذوقج 🙂 والموقع متروووووس وصفات جذي تنقي على كيف كيفج 🙂

  3. manal كتب:

    حياك الله بنت الديره .. كيفك ؟ بدايه حابه اعبر لك عن اعجابي العظيم بأبداعاتك !! ماشاء الله عليك فنانه وطبخك وذوقك لايعلى عليه .. مدونتك يوميا اشيك عليها تقريبا كل يوم. وكثير ووصفات اعتمدناها بالبيت خلاص .. شوربه العدس والصمون وكذا نصيحه اخذتها منك صراحه ماندمت عليها .. لك نفس بالطبخ مااشاء الله واحس كل الكويتيات طبخهم فضيع .. ماشاء الله عليكم .. احب اطبخ واخبز انا كثير وصرت ازور مدونتك بشكل دوري وافصفصها كل ماجعت ههههههه يعطيك العافيه ياجعله بيت عامر ان شاءالله
    منال – الرياض

    1. bent el deera كتب:

      هلا فيج حبيبتي منال .. كلامج وايد وايد اسعدني فوق ما تتخيلين شكرا كبيره على كلامج اللي يبرد على القلب
      حياج الله دوم وسعدت ان وصفاتي عجبتكم. فديييييييتج :***

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s