سلعه ووصفه : معجون الارضي الشوكي او الخرشوف

 

يمكن لاني من محبين الارضي شوكي.. لما شفت هالمعجون تخيلت وايد اشياء استخدمها فيها… مثلا كتغميسه مع الخضار مثل الفلفل الملون والجزر… مع الباستا  او

كقاعده لدريسنغ سلطه… احطه بارضيه البيتزا كقاعده بدال الصلصه الحمره.. اخلطه مع السبانخ وادخله الفرن يعني له وايد خيارات

 نكهته معتدله … ومكوناته خرشوف وزيت زيتون وملح وبهارات

 

شريته من مخبز بي كيو .. اعتقد بحدود 3دنانير

سويت اسهل شي حمصت خبز الشوفان من نفس المخبز ومسحت المعجون عليه و قدمت يمه بيض عيون وصلصه مشروم وطماط مجفف * وجرجير.. تقدرون تسونها اوبن ساندويش… اذا كنتو من محبين نكهته الخفيفه انصحكم تطبقون هالوصفه جدا لذيذه يم يم

طريقه الصلصه : ذبلت بصل على بخار الماي وبعدين حمسته بزيت زيتون وصفت له مشروم وومعجون وشوي ماي وشرايح طماط مجفف  حطيت له ملح وفلفل اسود وشكر عشان يعادل حموضه المعجون

الإعلان