رح انزل خطوات معجنات البرغر .. الصور مو واضحه لانها من موبايلي بس اتوقع الفكره واضحه. :>
ومثل ما قلت لكم استخدمو ربع كرافت سلايس السميكه طعمها بيكون احلى .. هالمره انا ضفت لها حمسه مشرم طريقتها بعد ما شويت البرغر حمست المشروم بالزيت اللي نزل من اللحم وضفت له ملح وفلفل اسود
االمقادير والشكل النهائي تلقونه هني
المواد الجافه بالعجين… طبعا تقدرون تضيفون لها اي شي ثاني تحبونه مثل البابريكا.. نخاله.. شوفان … طماط مجفف … شبنت …بذور حب شمسي او حب قرع الخ … ونضيف لها المكونات السائله ونخليها تخمر لين يتضاعف حجمها
بعد ما خمرت نقطعها على هيئه كور ونخليها ترتاح شوي تقدرون تغطونها اذا تحبون على مانشوي البرغر ونخليه يبرد ..
نفرد العجينه
نضيف المكونات.. البرغر المشوي وشوي من صلصه مايوتشيب
نحط شريحه جبن او 2 اذا تحبون.. بس وحده اتوقع كفايه
واخيرا وليس اخرا المشروم … وبعدها نطبقها على هيئه كره ونمسح ويها بالبيض المخلوط بالفلفل الاسود والماي ونرش عليها سمسم وندخلها الفرن لين تستوي وبالف عافيه
My Kitchen 
لازم اجربها وايد عجبتني 😀
تسلم ايدج على هالوصفات اللذيذة ^.^
اي والله وايد حلوة وخواني على طول يطلبونها
ان شاء الله تجربينها وتكون على ذوقج :>
تسلم ايدج بس ممكن اعرف شنو اهو رقائق الذرة بسرعة لاني بسوي الوصفة الليلة؟؟؟
سوري على التاخير مادزولي تبيه على تعليقج عشان ارد عليه ابجر
عموما اعتقد تقصدين رقائق البطاط اهي عباره عن بطاط مجفف يستخدم في البطاط المهروس
تحصلينه بكل الجمعيات
يي بعلبه وتقريبا شكله جذي
امس جربتها بدون بودرة البطاط و كانت جدا جدا لذيذة تسلم ايديج غلى هالاكلات الحلوة
بعد عمري عليج بالف الف عافيه وتسلم الايادي 🙂