خطوة بخطوة : ربيان مقلي

شنو اللي يميز الربيان المقلي من مكان والثاني ؟.. برايي التغليفه

وايد اكو تغليفات حلوة حق الربيان المقلي .. سائله مثل التامبورا .. او نوع البقسماط اذا كان بانكو او عادي ممكن يكون كراكرز مطحون او كرون فليكس طحين الرز .. او خلطه بقسماط مع الكوكنت او .. او تاخذزن خبز مع الخضار وتفرومنها تسون لكم بقسماط فريش او فنتق يديد مثل شرايح سمبوسه مثل ما اذكر بنك غيرل مره كتبت عنها

بالاضافه الى الصلصات… ترتار.. سويت شيلي .. منجا او اناناس .. كتشب او مايونيز

مجال الابداع بهالوصفه غير محدود.. وكل وصفه اكيد بتكون لذيذه

وصفتي اليوم كلش تقليديه… بس طعمها مو تقليدي لاني ابهرها بجميع المراحل

او عندكم بانكو خلطوه مع البقسماط العادي للقرمشه

البهارات اللي استخدمها بابريكا واعشاب مجففه وملح وفلفل اسود وبهارات سمج او كاجون او بهارات سموكي .. يعني اي شي موجود يوفي بالغرض

افتح الربيان مثل الفراشه واصفه بالصينيه عشان يساعدني بالتتبيل

بهاراتي اللي ارشها على الربيان اول مره

بعد التتبيل من الجهتين طبعا

ارد اتبل الطحين والبقسماط والبيض عشان النكهه تكون يمي اكثر

مو وايد شوفو شكلها بعد الخلط مو مبين والهدف عشان لا تكون مالحه ونكهه البهارات طاغيه على نكهه الربيان .. كالعاده اول نلتها بالطحين نطقطقها عشان يطلع منها الطحين الزايد وبعدين نغمسها بالبي واخر شي البقسماط

بعد ما خلصت تقدرون تقلونها على طول او تثلجونها عشان تمسك زياده

الإعلان