اطباق رئيسية · اطباق رئيسية- اطباق الارز او العيش

عيش شبنت بفكره يديده

جربت هالوصفه امس حق بغدانا والحمدالله الكل حبها… للاسف التصوير مو واضح بس ان شاء الله اذا سويتها مره ثانيه اصورها بكامرتي العاديه

الوصفه الاصليه اخدتها من منتدى كويتيات من حلوة ومملوحه الكويت .. الرابط هني

عيب هالوصفه ان فيها خطوات وايد انصحكم اذا بتطبقونها سلقو الدياي قبل بيوم وقلو البصلل وبيوم الطبخ بيسهل عليكم التطبيق

الفرق اللي سويته اني لما سلقت العيش ضفت له الشبنت على طول واني ما حمست الدياي سويت الخلطه وحطيتها فوقها بالجدر واحس جذي طلعت احلى لان العيش صار ملون يشوق

المقادير:

ديايتين مقطعين انصاف او ارباع حسب الرغبه

شدتين شبنت مفرومين

خلطه البهارات  لسلق الدياي مثل الكزبره و الهيل والفلفل الاسود والدارسين وورق الغار وبصل وهيل حبش وورق غار وثوم وعروق بقدونس وومستكه

بصله صغيره مفرومه

نص لهانه مفرومه ناعم

بهارات ناعمه مثل الكركم والفلفل الاسود والملح والبهارات وهيل وكمون

قفشتين معجون طماط

قفشتين كتشب

جيله ونص عيش

اربع بصلات مقطعه جوانج ومقليه

الطريقة :

نسلق الديايه مع خلطه البهارات والملح ونصفي الماي ونشيل الدياي

نحمس اللهانه مع قفشه كبيره كركم وربع قفشه صغيره فلفل وملح وفلفل اسود ونخليها على كتر .. اللهانه بتفش مع الوقت لا تستكثرون الكميه

نحمس البصل المفروم مه الهيل والفلفل الاسود والكمون والبهارات والملح ونضيف له المعجون والكتشب ونتركه

نسلق العيش بماي سلق الدياي وقبل لا ينشف بشوي نضيف له الشبنت ونخلطه ونتركه 3/4 سلق

نحط جزء من العيش ونصف الدياي واللهانه والحمسه فوق الدياي والبصل المقلي وباجي العيش .. نحط على الويه جم قرن فلفل وزبده ونتركه يترسى على نار هاديه لمن يتسوي

نقلب الجدر ونخلط مكونات العيش ونزينه بباجي البصل المقلي وشويه شبنت مفروم على اللويه  وعليكم بالف عافيه

Advertisements

2 thoughts on “عيش شبنت بفكره يديده

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s