اطباق رئيسية · اطباق رئيسية -اسماك وماكولات بحريه · اطباق شعبيه

منهنه ربيان 2

هالطريقه اسرع .. والربيان يكون فيها جوسي اكثر

تقدرون تستخدمون الربيان المجفف بهالوصفه وتقدرون تضيفون لها فقع او مشروم.. اذا ما تحبون الطماط تقدرون تلغونه .. واذا حبيتو تضيفون ماش او بقدونس او شبنت بالحمسه هم يصير

هالطبق وايد احبه خاصه مع الربيان .. تقدرون تستخدمون الدياي او اللحم بداله

بسم الله نبتدي

المقادير كلها حسب الرغبه

ربيان منظف ومشيول منه الخيط الاسود

بصل مفروم

بزار

هيل ناعم

بهار وحطو اي نوع تبون .. بهار كويتي بهار بحريني كاري اي شي

فلفل اسود

لومي اسود عدل

ملح

طماط مهروس

ثوم عدل

ورقه غار وحبه دارسين

الطريقة:

نحمس الجريش على نار من غير دهن او زيت لين يتحمر وتطلع ريحته ننطره لين يبرد وتالي نغسله

نحمس البصل مع الثوم العدل والبهارات ونضيف الربيان حمسه شوي  مع الطماط ونزيد الماي نتركه لين يغلي ونشيل الربيان لا يعرد … نعدل الملح و نضيف اليريش ونشوفه اول ما يشرب مايه نخفف النار ونضيف الربيان على الويه  ونتركه لين ينضج ويقدم مع دقوس صبار او روب وخيار وبالف عافيه

Advertisements

5 thoughts on “منهنه ربيان 2

    1. منهنه الربيان طعمه يكون مزيج بين المربين والمجبوس وبالنسبه لي احلى نوع منهنه 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s