مرق سمك بالباميه

من كثر ما احب الباميه حتى بالمرق احطها .. اول مره جربتها بناء على نصيحه عمتي وطعمها جدا لذيذ خلاني افضلها على مرقه السمج العاديه

رح تلقون طريقه مرق السمج العادي هني وطريقه االتثليج لتطبيق اسرع هني

حربو هالطريقه بمرقه السمج .. ادمااااان

ما انصحكم تستخدمون البامبه الطويله لانها تاخذ وقت طويل بالطبخ … لطعم اغنى ممكن السمجه تقلونها نص سوا قبل لا تحطونها بالمرق .. واخيرا وليس اخرا الحلبه مو ضروريه اذا ما تحبونها الغوها

المقادير: ( جميعها حسب الرغبه )

شده او ربطه شبنت مفروم

2 شده او ربطه كزبره مفرومه

ربع شده حلبه خضرا مفروم ( حوالي 4 ملاعق كبيره )

2-3 بصل صغير مفروم

2 ملعقه كبيره ثوم وزنجبيل وفلفل علوب مفرومين مع بعض ( اختياري )

سمج منظف ومغسول ومقطع حق المرق

3-4 حبات طماط مهروس

علبه معجون طماط

نص كوب صبار منقع بماي دافي ومصفى او معجون صبار جاهز

كيس باميه زيرو مثلجه

بهارات : لومي ناعم وفلفل اسود وكزبره ناعمه وبهار وكاري ولومي عدل

وطبعا زيت وماي حار وملح

الطريقة :

نحمس البصل بالزيت لما يصير شبه شفاف وتالي نضيف له خلطه الثوم ونحركها لين تطلع ريحتها وبعدين نحط كل خضره السمج مع بعض ونحركها على الراحه بنار خفيفه مع البهارات لين تنشف عدل ( العمليه تاخذ نص ساعه تقريبا ) ويقلب لونها اخضر غامق .. نضيف الطماط والمعجون وهم نحركه حتى يثقل

نرش السمكه بالبهار والملح ونضيفها فوق الخلطه ونقلبها شوي ونخليها عشان لا تفتفت ( ممكن قليها نصف قليه لتسريع عمليه الطهي )

نصب الماي الحار ونخليها تطبخ واول ما تغلي نضيف الصبار واللومي والباميه ونتركهم كلهم على نار متوسطه حتى ينضج الكل وبالف عافيه

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s