سلعة ووصفة : فريكه الاقصى

اللي مجرب يغسل الفريكه من قبل رح يعرف شكثر هالعلبه مريحه.. الفريكه عباره عن قمح قبل فتره النضج الكامل يحرق ويتركونه بالهوا لين ينشف وبعدين يعلبونه او يبيعونه بالكيلو فتخيلو كيمه الوسخ والحصم اللي يكون فيه .. هالماركه جدا مريحه يا دوب اغسله مرتين وخلاص .. تحصلونها بالكويت بالمطحنه الدوليه أو مطحنه سمراء عدن

وصفات الفريكه بالموقع وايد تنقو منها اللي يعجبكم انا بحط لكم وصفه بسيطه وتصلح للنباتيين

نحمس بصله صغيره ونضيف لها ثومه مهروسه و كوب ونص خضار مقطعه مكعبات (بطاط وجزر وكوسا و زهره وممكن تستخدمون كوسا وبزاليا ) وتالي نضيف  قفشتين كبار معجون و رشه ملح وفلفل اسود وكمون ولومي ناعم  و نص مكعب ماجي خضار او خلاصه خضار من ارض الطبيعه وماي حار واول ما يغلي نحط عليه كوب فريكه مغسوله ونتركهم على النار لين تستوي الفريكه مع التحريك بين فتره وفتره عشان لايلوق بقاع الجدر … اول ما يستوي نضيف مقدار قفشه كبيره عصير ليمون وحبه بركه وحبوب قرع ني واذا تبون بقدونس مفروم وبالف عافيه

Advertisements

5 Comments اضافة لك

  1. Kuwait73 كتب:

    اخيرا شريت لفريكه ، باجر بتجربها حجيتنا ؛ ان شاء الله تضبطها 🙂

    1. bent el deera كتب:

      عوافي وتسلم الايادي مقدما 🙂
      بلغوني بعدين شرايكم فيها 🙂
      وشكرا جزيلا

  2. Kuwait73 كتب:

    تمت التجربه وعلى دياي سوتها قمه احسن من مالت الجمعيه بسرعه تستوي ونظيفه ، اعتمدناها رسمي ، وعساج عالقوه

    1. bent el deera كتب:

      عليكم بالف عافيه 🙂
      وشكرا جزيلا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s