سلق الدجاج.. الطريقه لمرق لذيذ لعده استخدمات 13 ديسمبر 201130 أكتوبر 2014 استخدمات مرق سلق الدياي غير محدوده .. الاساس حق مرق لذيذ وخنين هو المكونات اللي نحطها مع الدياي بعمليه السلق انفع واحلى من الماجي وكنور واي نوع يحتوي على السم المتمثل باﻻجينوموتو وبتعرفون بالضبط شنو المكونات وكميه الدهون والملح …للي يحب يقلل كميه الدهون ممكن ينزع الجلد وممكن بعد نصفيه الخلاصه تحطونها بالثﻻجه لما تبرد وتشيلون طبقه الدهن اللي تطفو على السطح استخدموها بالشوربه جبسو عليها العيوش حطو منها بالخضار بالفرن بالصلصات وتقدرون تحطونه بعلب بلاستيك وقطوه بالفريز ووقت الاستخدام ذوبوه واستخدموه عادي.. طبعا مو الا تتقيدون بالضبط اذا ما تحبون شي تقدرون شيلونه نحتاج حق : جزره مقطعه وعود ساليري وبصله مقطعه ارباع جم فص ثوم اعواد بقدونس .. انا ما اقطهم بعد ما اقطع الاوراق الفهم بكلينكس واخليه بالثلاجه جم حبه مستكه هيل حب 5-10 فلفل اسود هم من 5-10 اعشاب مجففه وغالبا استخدم اما زعتر او روزماري عود دارسين جم ورقه غار وزنجبيل مجفف وبهارات السلق مخلوطه ( عباره عن كزبره وكمون وبهار حب ) اخذ منها قفشه او قفشتين كبار نحطهم كلهم مع الديايه المقطعه بالنص عشان تستوي اسرع وماي بارد ونتركها على النار اول ما يطلع الغفو نشيله كله ونوطي النار عليها ونتركها لين يستوي الدياي ..نصفي المرق ونستخدمه باي شي تحبونه الإعلانشارك هذا الموضوع:البريد الإلكترونيتويترطباعةPinterestمعجب بهذه:إعجاب تحميل... مرتبط
My Kitchen 
8 آراء حول “سلق الدجاج.. الطريقه لمرق لذيذ لعده استخدمات”