بطاطا بالاعشاب بالفرن

اقرب شي حق اللي يحب البطاطا الحره ويخاف من الدهن الموجود فيها يجرب هالطريقه بتعطيكم طعم حلو وبنفس الوقت الشبنت معطيها نكهه حلوة… ادري وعدتكم اني مرح انزل وصفه بطاطا حره بس لان هالوصفه تسوى ولذيذه خلتني اعدل عن قراري

كميه الزيت حطيت قفشتين تقدرون تقللون وتزيدون على هواكم … مرق الدياي المستخدم من سلق ديايه بالبيت اذا ما عندكم لا تستخدمون ماجي لانها مالحه بس زيدو فتره سلق البطاط …جربوها بتعجبكم ان شاء الله واتمنى لكم نهايه اسبوع سعيده

المقادير :

ربع كوب شبنت مفروم

نص كوب كزبره مفرومه

4-3 اكواب بطاط مكعبات

ربع كوب مرق سلق دياي

ربع كوب عصير ليمون

قفشه كبيره ثوم مهروس

قفشه صغيره ملح

رشه فلفل اسود

ربع قفشه صغيره فلفل احمر او قللو حسب الرغبه

رشه بابريكا

قفشتين كبار زيت زيتون

الطريقه

نسلق البطاط نص سلق بماي مملح  وبعدين نحطه بالبايركس مع باجي المقادير وندخله الفرن مره ثانيه لين يكمل سواه وتنشف السوائل وبالعافيه

ملحوظه اذا ما تبون تسلقون البطاط زيدوها ماي ودخلوها الفرن مره وحده

Advertisements

2 Comments اضافة لك

  1. Mona كتب:

    شو هل الطيب , شو هل الحلو 🙂
    تسلم ايديك الي بينلفوا بحرير و الف مبروك البيت الجديد , كتير حلو

    1. bent el deera كتب:

      يا بعد قلبي يا منى
      مشكوووووووووره وايد وايد :***

      والعين ما تعلا على الحاجب :)تسلمين يالغلا

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s