من هنا وهناك · معجنات وفطاير · انواع الخبز والصمون

خبز او صمون بالحليب

هالوصفه تعطي صمون طري .. اخذتها من الانترنت لاريام 200 .. سويتها بخليط طحين اسمر وابيض لانها افيد اذا كان عندكم نوع الطحين القاسي او طحين الخبز والمعجنات ( الغلوتين عالي فيه )  بيكون افضل لهالوصفه عشان يكون طعمه خبز ومافيه فراغات هوا وايد مثل الصوره

البيضه اذا صغيره استخدمو 2 .. وممكن تبدلون كميه الماي بحليب… ومثل ما اقولكم دايما كميه السائل والطحين تعتمد على الجو ودرجه حراره المطبخ  فضبطو الكميات على حسب احتياجكم .. انا ضفت قفشتين كبار بذور حب شمسي اذا ما تحبونه الغوه

لطباعه الوصفه يرجى هالضغط على اللينك

المقادير:

اربع ونص كوب طحين مخلوط اسمر وابيض

كوب حليب

نص كوب ماي

ربع كوب زبده

م ك خميره فوريه

2 م ك سكر

2 م ص ملح

بيضه كبيره

ملعقتين  كبار بذور حب شمسي

الطريقه :

نذوب الزبده مع الماي والحليب اول ما يكون دافي نطفي عليه

نسوي الاسفنجه عن طريق خلط كوب وثلاث ارباع طحين مع الخميره والشكر وخليط الحليب والزبده ونتركه 10 دقايق  وبعدين نضيف نص كوب من الطحين بالتدريج ونعجن وكل ما عجنا اكثر كل ما كان احسن … نتركها تخمر بطاسه مدهونه لين يتضاعف حجمها

نقطعها ونشكلها حسب الرغبه ونرد نخمرها ربع ساعه  بعد ما نغطيها بفوطه.. بهالاثناء نسخن الفرن على حراره 200

اذا كنتو تبون شكل الصمون العادي .. نفردها بشكل دائري وتالي نلفها على بعض ونسكر الاجناب … اذا كنتو تبون شكل الكرواسون بعد ما نفردها بشكل دائري نقطعها على هئيه مثلث وبعدين نشكلها بهالطريقه الموجوده باللينك … والدائريه مجرد كوروها

نمسح ويها ببيضه مخلوطه بحليب ونرشها بسمسم او بطحين وندخلها الفرن 10 دقايق او ربع ساعه لين تتحمر وتستوي وبعد ما نطلعها نرد نغطيها بفوطه شوي عشان تكون اطرى واحشوها واكلوها بالف عافيه

Advertisements

One thought on “خبز او صمون بالحليب

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s