Mexican hot chocolate …شراب الككاو المكسيكي

من اول ما شفت الوصفه رديت البيت وسويته والحين قاعده اتمتع فيه وانا اكتب هالبوست

 الصوره الموجوده بالوصفه الاصليه تبعث الدفء بالقلب والحواس انا صورت تطبيقي على الطاير … شوفوها بموقعها ورح تفهمون الحاله اللي يتني ههههه

http://munchinwithmunchkin.com/2011/12/09/mexican-hot-chocolate-mix/

كميه الخليط بتعطيكم كميه جدا جدا راهيه هذا وانا خالطه بس نص المقدار… الزياده اللي سويتها اني دبلت كميه الككاو لطعم اغني اذا تحبونه خفيف التزمو بالوصفه … واللي يحبه اكثر غنى  مالكم الا وصفتي القديمه مرح تحصلون اغنى من جذي الا اذا ذبتو ككاو وشربتوه ههه

لا تخافون من الفلفل مرح تحسون بنكهته بس بتلاحظون ان مفعوله يدفي الجسم وهذا ميزه الهوت تشوكليت المكسيكي واذا ما حبيتوه تقدرون تلغونه .. جربو خلطو المقدار وبالكوب حطو رشه اذا عجبتكم النتيجه حطو المقدار على باجي الخليط… وعندي لكم نصيحه ثانيه اذا تحبون انواع ثانيه من الككاو مثل الدارك او اللي بنكهه البرتقال او النعناع ممكن تبدلونه بالميلك تشوكليت

عليكم بالعافيه مقدما

المقادير:

كوب ونص حليب بودر

ثلاث ارباع كوب سكر بودر

2 م ك سكر اسمر

ثلاث ارباع بودر الككاو الخام ( مو نسكويك ).. الخيار المتوفر بكل مكان كادبري او اي ماركه ثانيه

 كوب ونص خليط من ككاو ابيض وككاو بالحليب .. يعني 3/4 كوب من كل نوع او اذا تفضلون نوع معين حطو النسبه على هواكم  ومثل ما قلت لكم بالوصفه الاصليه مجموع نوعين الككاو ثلاث ارباع الكوب

رشه ملح

2 م ص نشا

نص م ص دارسين ناعم

ربع ملعقه صغيره فلفل احمر حار بودر

 رشتين فانيلا بودر  واذا ما عندكم مو ضروري

الطريقه:

بالفود بروسسر نطحن الككاو او كل المقادير مع بعض ونخلطهم ونحطهم بعلبه حافظه

لكل كوب ماي حار نضيف له ثلث كوب من الخليط وممكن تحطون مارشملو على الويه  عدلو الشكر على هواكم واستمتعو فيه بزوارتكم ولا بالمخيم  بهالبراد الحلو

Advertisements

2 Comments اضافة لك

  1. ريمو كتب:

    حبيبتي الكاكاو البودر ثلاث ارباع كوب ؟؟ والا شنو

    1. bent el deera كتب:

      هلا بريمو الغاليه
      والككاو البودر اقصد فيه 3/4 كوب 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s