فطور او ريوق · فطور او ريوق- اصناف بيض للريوق · فطور رمضان و ريوق و سفرات كاملة · وصفات صحيه قليله السعرات او الدهون وتصلح للرجيم

شكشوكه او بيض طماط

كلنا نسويها وكل من له طريقته… احبها ناشفه ما تكون رطبه من الطماط واحب معاها بقدونس يعطيها نضاره للعين والفم … احب بهارها متعدل وما تفوح منها ريحه كاري خاصه لمن تكون على الريوق

مع خبز تنور مسمسم وشاي مخدر ولا اروع

 عندي وصفه ثانيه للشكشوكه او الجظ مظ على هالرابط

المقادير :

5 بيضات

قفشه كبيره حليب

حبتين طماط مفرومين ناعم

بصله متوسطه مفرومه ناعم

ربع كوب بقدونس مفروم ناعم

حبه فلفل علوب حسب الرغبه

ملح حسب الرغبه

ربع قفشه صغيره فلفل اسود + نفس الكميه حق البيض

ربع قفشه صغيره كمون

ربع قفشه صغيره كركم او كاري او بزار او اي بهار تحبونه معاه

زيت زيتون بحدود قفشتين كبار وممكن تخففون الكميه اذا كنتو مسوين رجيم وتزيدون الباجي ماي

الطريقه :

نحمر البزيت ونحمس فيه البصل لين يذبل ويتغير لونه تالي نضيف له الطماط والبهارات  والملح ونقلبهم لين تنشف اغلب سوائل الطماط

نكسر البيض ونضيف له الحليب والملح والفلفل الاسود  والبقدونس المفروم ونصبها فوق البصل والطماط

نحرك البيض لين بين فتره وفتره ونغطيه يكمل نضجه نحطه بطبق التقديم ونرش عليه شويه عصير ليمون اخضر او اصفر ونقدمه على طول وبالف عافيه

Advertisements

2 thoughts on “شكشوكه او بيض طماط

    1. عليج بالعافيه والفلفل فيها حسب الرغبه

      انا خبري الشكشوكه الليبيه تكون حمسه طماط وفوقها بيض عيون ان شاء الله انزلها بموضوع منفصل

      هالوصفه مادري من وين اصلها… اللي اذكره يدتي وامي الله يرحمها يسوونها من وعيت على الدنيا ونسيت اسالهم من وين هههههه

      حياج الله حبيبتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s