خلاصه او مرق سلق اللحم لاستخدامات متعدده

 

مثل ما قلت بمرق سلق الدياي .. المرق او الخلاصه استخداماته متعدده جدا جدا ووايد اطيب من البودر او المعلب … الافضل اذا بتسوونها يكون عندكم كميه عظم كبيره وتقدرون تحمرونها بالفرن قبل لا تستخدمونها لطعم اطيب ونكهه اغنى

ممكن تحطونه بالفريزر وتطلعونه حسب الاستخدام

طريقتي  فيها خطوات اضافيه بس صدقوني النتيجه اللي بتطلع بتستاهل تسوونها

المقادير كلها حسب الرغبه:

 بصل مقصص حسب الطريقه اللي تحبونها

ثوم عدل

حبه زنجبيل فرش او مجففه

ورق غار

بزار او كركم

ملح

ساليري وجزر مقطع حسب الرغبه

طماط

بهارات عدله  ( كمون – كزبره- عصفر – فلفل اسود – حبه حلوه او شومر -هيل – دارسين )

ماي ساخن

ملح

زيت حسب الرغبه

الطريقه :

نحمس البصل شوي ونضيف له الثوم والبهارات العدله ( ممكن تضيفون لومي اذا تحبون )  والكركم   ونحركهم لين تطلع ريحتهم والسبب نبي  نحمصها وتطلع نكهه احلى بالمرق وبعدين نضيف باجي الخضار  نقلبهم شوي  عشان تطلع نكهه احلى واخر شي اللحم والعظام هم نحمسهم لين يتغير لون اللحم

نصب عليهم ماي ساخن ونتركها تغلي … نشيل الزنخه اللي تطلع بالويه ونغطيها ونخفف النار عليها لين يستوي اللحم ( انا عن نفسي استخدم جدر الضغط لانه اسرع بس ممكن تستخدمون الجدر العادي ).. وبآخر 10 دقايق نضيف الملح

تصفونه وتستخدمونه باي شي تحبونه

اذا تحبون تخففون الدسم اللي فيه … يبرد وينحط بالثلاجه وبعدين نكشط طبقه الدهن اللي تطلع بالويه

ملاحظات :

مثل ما ذكرت ممكن تحمرون العظم بالفرن قبل لا تبتدون بالخطوات ويعطينا مرقه لونها اغمق ونكهتها مركزه اكثر

فتره سلق اللحم  تتناسب مع تركيز نكهه اللحم بالمرق .. كل ما طلت المره تبخر الماي وعطانا تركيز اقوى بالمرق وهذا الشي حسب الرغبه .. بس في حاله سلق اللحم فتره طويله اللحم الناتج يكون ناشف و النكهه  راحت بالمرقه

7 thoughts on “خلاصه او مرق سلق اللحم لاستخدامات متعدده

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s