review : sunny side up

يتني دعوه كريمه من شاب كويتي صاحب مطعم  متخصص بالريوق على الطريقه الامريكيه .

هذي صوره خارجيه للمكان.. القعده الداخلية صغيرة بس مريحة وفي قعده خارجيه تتناسب مع الجو الحلو

المنيو متنوع  والاسعار اللي فيه  مناسبه

لفكره اوضح راجعو هاللينك

http://www.sunnysideupkw.com/menu.htm

عجبني شكل الاكواب المعلقه

وهذي تقدرون تشترون الكوب بمبلغ 8 دنانير ويصير باسمكم كل مره تزورون فيه المكان وتشربون منه

والشي الحلو انهم موفرين شاحن اي فون وبلاك بيري او سامسونج  بكل القعدات الداخليه

طلباتنا:

عصير برتقال وقهوه امريكيه

صني سايد اب اومليت … عباره عن اومليت وخضار مثل مشروم وفلفل احمر وبصل وطماط و فوقه جبن ويقدم مع بيكون وتوست هالبيض لذيييييييييييييذ جدا جدا

ميامي اومليت  …  عباره عن  اومليت معاه سبانخ و مشروم وصلصه مثل البشاميل او كريمه هالاومليت يعتبر شتوي لانه دسم ويصلح للغدا وهم حلو ولذيذ خلصوه

 

نيو يوركر … مثل ما تشوفون فيه من كل خير الله .. بيض  وفرنش توست و تيركي وسوسج وهاش براون وكل شي فيه حلو

بان كيك المالح … عجينه بان كيك مسوينها مثل بيتزا و فيها بيض وجبن ودياي ومشروم  .. حلوه بس لازم تنوكل بسرعه عشان لا تلين من السوائل اللي بالاكل

كلوب تيركي .. هالطبق لذيذ لذيييذ لذيييييذ بكل ما تحمله الكلمه وتقدرون تختارون نوع الخبز سواء توست اسمر او ابيض او فوكاتشا او باجيت او بريوش .. الصوره مو مبينه بس حجم الساندويش كبير ويكفي 2 حسب حجم اليوع هههه

هذي البرغر للحين ما نزلت بالمنيو .. للتجربه وان شاء الله بينزلونها للغدا والعشا

والحين المفاجاه ترا ترااا

الحلو ضيفونا نوعين … الفيس فرنش توست و نوتيلا بان كيك

عباره عن فرنش توست محشي جبن وموز اذا ماني غلطانه وفوقه صلصه توت

هذا شكلها من داخل … الغريب بالرغم من شكلها  يوحي انها دسمه الا ان حلاها معتدل ومو ثقيله

اتحدا اي احد يحب الككاو ما يحب هالبان كيك .. البان كيك خفيفه والنوتيلا  مبينه بكل لقمه

وفي النهايه بعد كل هالكرم ما قصرو وعطونا هديه عباره عن مقات فيها اسم وشعار المطعم

 

sunny side up 14

 صج احرجونا بضيافتهم ومعاملتهم اخص بالشكر الاخ فيصل السعيد و ومدير المطعم روشان … واكرمكم الله

وان شاء الله مرح تكون زيارتي الاخيره لهم لاني حبيت المكان والاكل جدا جدا ومن كثر ما حبيته قررت اعزم ربعي عليه

انصحكم واشجعكم بزيارته سواء ريوق او غدا او عشا  وصدقوني مرح تندمون الاكل ينن والخدمه ولا اروع .. مكانهم بشرق صوب سوق المباركيه بمجمع شقران

اوقات العمل من 7:30- 2:00 وبعدها من 7:00 – 11:00

موقعهم

http://www.sunnysideupkw.com

رقمهم : 22463431

وتقدرون تطلبون عن طريق موقع طلبات

2 thoughts on “review : sunny side up

    • يقول bent el deera:

      الله يعافيج حبيبتي
      وان شاء الله تجربونه ويعجبكم وتدعون لي🙂

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s