خبز الشوفان بالعسل

عجبتني مكوناتها وشفتها سهله وشكلها حلو

الوصفه اخذتها من موقع مجله cooking light .. حاولت اعقدها نفس الصوره قبل  لا اخبزها بس لان العجينه كانت ما تساعدني لانها تلزق

من زمان ما نزلت وصفه صحيه … صديقات الرجيم اتمنى تجربونها وتحبونها وتغيير عن الخبز الاسمر العادي والحبه فيها تقريبا 138 سعره

الوصفه الاصليه تلقونها هني

http://www.myrecipes.com/recipe/oatmeal-knots-10000001696590

بتلاحظون اني قللت مقدار العسل بالنص لاني خفت انه يكون حالي وبدلت الزبده بزيت زيتون

المقادير بنعطيكم 24 حبه صغيرة مثل الصوره تقدرون تثلجون الباجي وتسخنونه بالمايكرويف عادي

المقادير:

كوب شوفان

ربع كوب عسل ( استخدمو نص اذا بتلتزمون بالوصفه الاصليه )

2 ملعقه كبيره زيت زيتون ( او زبده )

1 1/2 م ص ملح

2 كوب ماي مغلي

2 1/4 م ص خميره جافه

ثلث كوب ماي دافي

ربع كوب بذور الكتان المطحونه

3 كوب طحين اسمر

كوب طحين ابيض متعدد الاستخدام + كميه اضافيه حسب الحاجة

للوجه

م ص ماي + بيضه

بذور سمسم

شوفان

بذور بوبي سيد ( خشخاش ) اذا متوفره لانها مقطوعه من الكويت

الطريقه :

نخلط 2 كوب الماي المغلي مع الشوفان والعسل مع الزيت او الزبده والملح ونتركها حتى يذوب الشوفان ويختلط بباجي المكونات

وبهالاثناء نذوب الخميره الجافه مع الماي ونتركها لما تتفاعل ونخلط معاها بودره بذر الكتان ونزيدها على خلطه الشوفان

نخلط نوعين الطحين ونحطهم فوق المكونات السائله ونعجنها لين تتماسك ( تحتاج حوالي 10 دقايق )  بتلاحظون ان العجينه تلزق شوي لا تخافون اهي المفروض تكون جذي ( اذا تحبون تتفادون هالشي ضيفو بالبدايه كوب طحين فوق خليط الشوفان وخلوه نص ساعه وبعدين ضيفو باجي المقدار ) … اذا حسيتو ان العجينه محتاجه طحين ضيفو لها بالتدريج بس المهم انها ما تلزق باطراف العجانه

نخمرها التخميره الاوليه  بطاسه مرشوشه بالزيت او السبراي حتى يتضاعف حجمها بعدين نقسمها الى 24 حبه ونشكلها باي شكل تحبونه  ونحطها بصينيه الخبز محطوط فيها ورق زبده عن الالتصاق ونغطيها للتخميره الثانيه من نص ساعه الى ساعه الا ربع حسب حراره المطبخ

نسخن الفرن لحراره 200 ونمسح ويه الخبزات بالبيض المخلوط بالماي ونرشه بالسمسم والشوفان وبودر الكتان او البوبي سيد وندخله الفرن لين يستوي .. بعد ما نطلعه من الفرن نتركه يبرد  واحشوه باللي تحبونه ويؤكل وبالف عافيه

Advertisements

3 Comments اضافة لك

  1. booonagam كتب:

    مجهود طيب

    تسلم الايادي

    1. bent el deera كتب:

      شكرا جزيلا والله يسلمكم من كل شر
      حياكم الله 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s