دجاج مشوي قليل الدسم

هالوصفه سريعه وخفيفه … بس لازم اعترف اني ما التزمت بالطريقه الصحيحه بالتطبيق.. الوصفه من مجله cooking light

http://www.myrecipes.com/recipe/grilled-tandoori-chicken-10000001734277

المقادير خلطتهم كلهم على بعض ونقعت الدياي وتالي شويتها وبعد ما اكلتها وشبعت عرفت شلون المفروض اسويها

الدياي كان حلو ما تحسفت على الوصفه يمكن لو حمست البهارات قبل لا اخلطها بالفود بروسسر بتكون انطع … هالوصفه خليتها من الوصفات المعتمده عندي ومفكره المره اليايه احط بالتتبيله قفشتين كبار بقدونس او كزبره كنوع من التغيير 🙂

الدياي ممكن تسوونه ساندويشات مع خس وطماط ونعناع  بعد ما تمسحون الخبزه بثاوزند ايلند مخلوط مع شوي روب 🙂

المقادير اللي اذكرها حق 2  .. ومثل ما اقول لكم دايما تاكدو انكم ما تخلون الدياي على النار زياده عن اللزوم عشان لا يكون ناشف د

المقادير :

 2 فيليه صدور دجاج او 4 افخاذ

1 م ص بابريكا

نص م ص كمون بودر

نص م ص كزبره بودر

ربع م ص كركم بودر

ربع م ص فلفل احمر ( حسب درجه الحراره الي تحبونها )

نص كوب بصل مكعبات ( مو مهم الحجم لانه كله بينطحن بالخلاط )

2 م ك زنجبيل مكعبات او قطعه صغيره

م ص ثوم مفروم

نص حبه فلفل اخضر علوب مفرومه

4 م ك روب خالي الدسم او قليل الدسم

2 م ك عصير ليمون

نص م ص ملح

نص م ص زيت ذره او كانولا او زيت زيتون

الطريقه :

ندق الدجاج عشان نخفف سمكها وما نخليها تاخذ وقت طويل بالطبخ

نخلط كل المكونات ( عدا الدجاج )بالفود بروسسر   ونخلطها مع الدجاج بكيس او صحن  ونخليها تتبل الخلطه  ( انا خذت مني اقل من نص ساعه وممكن تكون اكثر )

شويتها على شوايه كهربائيه بعد ما رشيتها بالبخاخ وقدمتها مع عيش اسمر وخضار ورايتا وبالف عافيه

الإعلان