reviews

review: sticky & sweet

كنت وايد متردده انزل هالبوست ..من فتره طلبت منهم علبتين حلو مشكل لاني كنت ناويه اجربه… العلبه فيها درزن والانواع اللي اللي طلبتها كانت تشوكليت مع نوتيلا او فليك … بينت بتر .. عيش السرايا … والحلو الاخير عباره عن مربى وبسكوت وهو الاحلى بوجهة نظري

الحجم ما شاء الله راهي و مناسب مع السعر..وما شاء الله طعمهم حلو خاصه اذا سخنتوهم واكلتوهم ( عدا نوع واحد اللي بالصوره الاولى على اليمين طعمه توست مغطى بحليب ككاو )

اللي كرهني بالتجربه وما خلاني افكر اعيدها  هو تعاملهم … في البدايه ما يردون ولا يردون على المسج .. بعد ماردو  وطلبنا الطلبيه وكل شي اوكي .. بيوم التوصيل بكيفهم قررو ان ما عندهم توصيل (( هالحجي بعد ما طاف الوقت التوصيل بساعه واحنا انطر ))  ولما طرشت مسترديلفري خلوه ينطر ساعتين واخر شي مشى لانها ما كانت خالصه ودفعوني فلوس توصيل على الفاضي … الزبده كنت ابيها حلو للزواره وره الغدا وصلتني الساعه 11 بالليل ومو كاملة وحتى ما كلفو على نفسهم يعتذرون على التاخير

كانت من اسوا التجارب لانهم قصو ويهي بين اهلي .. الكل كان معتمد علي بالحلو وانا كنت معتمده عليهم

السعر : الدرزن ب 10 دنانير

رقمهم : 60775413

تقييم بنت الديرة : *  ( للنكهه فقط )

Advertisements

10 thoughts on “review: sticky & sweet

  1. هلا عيني بنت الديرة.. كل يوم ندخل عبالنا فيه شي جديد بس كان معلق على ال diary

    بالعافية عموماً..

    ماكو تجارب مطبخية خلاص؟

    1. ان شاء الله رح انزل وصفات قريب
      للاسف اعترف بأني صرت كسوله بالتصوير بس ان شاء الله برد بوصفات اتمنى تعجبكم

      شكرا 🙂

  2. الصراحه غلط انج دفعتيلهم المبلغ وخليتيهم يسوون فيج جذي
    المفروض تردين فلوسج والله ما كثر مطاعم الحلويات دقي على اي احد بس ما يتخلينهم يحسبون السالفه لعب ويقصون على الناس
    جذي يتمردون ويزيدون بحركاتهم

    1. عدل كلامج بس حزتها كنت افكر انهم هوم بزنس مابي اللي طلبته يطيح بجبدهم … وعلى سالفه الزوراه اخر شي طلبت من كنفاني

  3. لا والله خل يطيح بجبدهم عشان يتأدبون
    صح انهم هوم بيزنيس لكن هذي مو مسؤوليتج , جذي بس تشجعين الجشعين يستمرون بجشعهم

    1. اهي مره ومرح تتكرر

      وانا نقلت تجربتي يمكن تكون غلطه ويمكن اهم جذي الله اعلم
      عن نفسي ما افكر اعيدها ابدا

      وان شاء الله اللي تقرا البوست تستفيد من تجربتي وما تطيح باللي طحت فيه

    1. بعد عمري … عادي تصير هالسوالف بالمشاريع اليديده وانا ذكرت تجربتي واصلا نسيت السالفه 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s