سلعه ووصفه : دجاج مشوي بالروزماري من McCormick

قبل فتره كتبت عن هالبهارات الموجوده بمركز سلطان…. منها وصفه الدياي وعلى الرغم من ان مكوناتها بسيطه الا ان النتيجه لذيذه انصحكم تجربونها

ما يحتاج تشترون هالمكونات لاني بذكر لكم المقادير :

حق كيلو فيليه دياي

2 م ص بابريكا

م ص ونص روزماري مجفف

م ص ثوم مجفف ( اخذو النوع اللي يكون حبيبات مو بودر )

نص م ص فلفل اسود

م ص ملح

2 م ك زيت زيتون ( انا استخدمت قفشه صغيره )

3- 4 بطاطات صغيره مقطعه مكعبات او دوائر ( حسب الرغبه )

الطريقة :

نخلط كل المكونات مع بعض بصينيه الفرن ونغطيها بقصدير انا حسيت ان المكونات محتاجه سوائل فضفت شوي ماي بقاع الصينيه

ندخلها الفرن على حراره 180 لين يستوي الدياي والبطاط .. اذا تحبون تقدرون باخر 10 دقايق تشيلون القصدير عشان يتحمر الدياي وياخذ لون

جربوه وعليكم بالعافية

3 thoughts on “سلعه ووصفه : دجاج مشوي بالروزماري من McCormick

    • يقول bent el deera:

      حبيبتي حياج الله :*
      الدياي كم نص ساعه الى ساعه الى ربع حسب حراره الفرن وحجم الدياي

  1. يقول أمل:

    حبيبتي اااااالف شكر ما قصرتي بس ما كتبتي على كل وصفة كم سعراتها بس اااااااااااااااشكرج من كل قلبي يا غاليه

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s